Ky është thashethemi më i çmendur i Apple kohët e fundit – që nuk do të thotë se nuk është i vërtetë

Kur bëhet fjalë për Apple, është pothuajse e mundur të zhvillohet një kategori e veçantë vetëm për thashethemet e shumta dhe “informacionin e brendshëm” që po qarkullojnë. Deri tani ka një që është veçanërisht interesant.

Në fakt, mund të jetë më shumë një parashikim sesa informacion konkret, dhe ne as nuk do t’i kushtonim vëmendje nëse nuk do të vinte nga Ming-Chi Ku, një analist i njohur që pothuajse gjithmonë ka informacion të saktë në lidhje me produktet e Apple.

Kështu që, kësaj here, Ming-Chi Kuo parashikoi që në një moment gjatë viteve 2030, Apple mund të fillonte të prodhonte lente AR (realiteti i shtuar) – praktikisht, kjo do të funksiononte si çdo lente tjetër mjekësore e përdorur nga njerëz me shikim më të dobët, transmeton Telegrafi.

Kuo gjithashtu shpjegoi se këto lente nuk do të funksionojnë në mënyrë të pavarur, që ndoshta do të thotë se ata do të duhet të lidhen me iPhone në një farë mënyre, ose diçka tjetër.

Një shembull se si do të funksiononin këto lente elektronike është që personi që i mban ato dhe ecën jashtë për të parë orët e punës së secilit restorant që kalojnë pranë në formë elektronike.

Sigurisht, ende nuk ka absolutisht asnjë konfirmim nga Apple në lidhje me prodhimin e lenteve të tilla, dhe një numër çështjesh teknike, por edhe mjekësore dhe etike duhet të zgjidhen përpara se lentet elektronike të vijnë me të vërtetë në jetë. /Telegrafi/