Ekspozita me 59 fotografi në Prekaz, Osmani: Dëshmi autentike e rrugëtimit tonë për liri

Ushtruesja e detyrës së presidentes së Kosovës, Vjosa Osmani, ka folur në hapjen e ekspozitës me 59 fotografi në kuadër të  ditëve të Epopesë së Ushtrisë Çlirimtare të Kosovës.

“Secila foto është rrëfim në vete. Secila e ka një mesazh, shumica prej tyre të papublikuara më parë”, ka thënë Osmani.

Ajo tha se rruga deri në liri dhe pavarësi nuk ka qenë as e lehtë dhe as e shkurtër, duke përmendur dëbimin e shqiptarëve gjatë luftës dhe të pagjeturit për të cilët tha se Kosova nuk duhet të ndalet deri sa ta zbardhë fatin e gjithsecilit.

“Ato janë tablo reale të një periudhe të jetuar dhe dëshmi autentike e rrugëtimit tonë për liri. Ato janë historia jonë më e re të cilën assesi nuk duhet ta harrojmë. Gjersa ne lëvizim para, nuk mund të mos e kthejmë shikimin prapa”, tha ajo.

Për më tepër, Osmani shtoi që ata duhet ta ngritin zërin për drejtësi gjë të cilën e konsideron parakusht për paqe të qëndrueshme.

Në këtë ekspozitë kanë marr pjesë edhe ambasadori Shteteve të Bashkuara të Amerikës (SHBA) në Kosovës, Philip Kosnett, lideri L VV-së, Albin Kurti, kryetari i Skenderajt, Bekim Jashari, si dhe ministri në detyrë i Mbrojtjes, Anton Quni.

Telegrafi më poshtë ju sjell fotografitë nga ekspozita: