Pse të jesh egoist në të vërtetë mund të jetë gjë e mirë për shëndetin tuaj mendor
Po u thoni vazhdimisht ‘po’ thirrjeve të Zoom edhe pse e keni humbur plotësisht interesin? A i lejoni miqtë tuaj të shkarkojnë shqetësimet e tyre mbi ju?
Nëse po, atëherë mbase është koha ta vendosësh veten në vendin e parë dhe të fillosh të vendosësh disa kufij. “Njerëzit mendojnë se për të qenë një person i mirë, duhet të vendosësh nevojat e të tjerëve para tuajave”, thotë Michelle Elman, autore e “Gëzimi i të qenurit egoist: Pse të duhen kufij dhe si t’i vendosësh”.
“Problemi është, pasi të kesh vendosur nevojat e të gjithë të tjerëve, zakonisht nuk do të mbetet më kohë ose energji për ty. Kostoja e të qenit vetëmohues është vetë-kujdesi juaj”.
Michelle është përmendur si një nga 50 gratë më frymëzuese në Mbretërinë e Bashkuar dhe, si rezultat i punës së saj, ajo ka grumbulluar më shumë se 300,000 ndjekës nëpër media sociale. Libri i saj i fundit zhytet në dashurinë ndaj vetvetes. “Gratë, veçanërisht, mësohen që në moshë të re se duhet të gëlltisin dëshirat dhe nevojat e tyre për të qenë një person i mirë”, thotë ajo. “Sa shpesh keni dëgjuar për një nënë që quhet egoiste për përparësinë e ëndrrave të saj mbi familjen e saj. Na është thënë që të jesh vetëmohues është gjëja më e mirë që mund të jesh, por unë nuk pajtohem plotësisht me këtë”. Fjala egoist mban një njollë të madhe në shoqëri. Është e lidhur me idenë që ju të shpërfillni të gjithë dhe gjithçka tjetër dhe t’i vendosni nevojat tuaja mbi të gjithë të tjerët.
“Ka shumë terma si dashuria për veten dhe kujdesi për veten, por çfarë do të thotë saktësisht?”, pyet Michelle. “A është kjo një banjë me flluska dhe lyerje thonjsh? Për mua, dashuria ndaj vetvetes është fshirja e numrit të ish-it tuaj nga celulari juaj. Besoj që të kesh dashuri për veten është e nevojshme të jesh egoist. Ju mund të bëni sa më shumë dushe dhe gjëra të ngjajshme, por nëse ende po i lini të tjerët të flasin negativisht me ju, atëherë kjo nuk është dashuri për veten”.
Pra, cila është përgjigjja?
Michelle mbron kufijtë. “Të kesh kufij nuk do të thotë të mbyllësh veten, të jesh i lig ose të refuzosh të jesh lojtar i ekipit”, thotë ajo.
“Kjo mund të jetë kufizimi i kohës me një mik toksik, ose thënia jo e një thirrjeje të bezdisshme pune të premten në mbrëmje. Kufijtë lejojnë lidhje dhe intimitet me njerëzit e duhur, por ato nuk duhet të ngatërrohen me mure dhe inate. Nuk ka të bëjë me prerjen ose largimin e njerëzve”.
Sipas Michelle, vendosja e disa kufijve themelorë për menaxhimin e kohës dhe miqësive është një mënyrë e mirë për të filluar. Në fakt, kufijtë janë më të rëndësishëm se kurrë nëse jeni duke punuar nga shtëpia dhe keni nevojë për të rivendosur ekuilibrin tuaj të punës / jetës. /Telegrafi/
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak