Antikorrupsioni: Ka dyshime për keqpërdorim të mbi 1 milionë eurove nga Ministria e Kulturës
Kritere të paqarta për të vlerësuar projektet fituese, por edhe për të ndarë fondet për realizimin e tyre. Kjo është një prej vërejtjeve që Antikorrupsioni ia ka adresuar Ministrisë së Kulturës lidhur me projektet fituese të Programit vjetor me interes nacional në kulturë.
Pas bllokimit të fondeve për realizimin e një pjese të projekteve nga programi i vitit të kaluar, Ministria e Kulturës është treguar e rezervuar për të dhënë detaje mbi projektet që prej gati pesë muajsh janë vënë nën llupën e revizionit. Nga ky institucion kanë deklaruar vetëm se bëhet fjalë për një vlerë totale prej 70.776.722 denarë, pra mbi 1 milion euro, për të cilat ka dyshime për keqpërdorime.
“Ne presim që Policia Financiare dhe Antikorrupsioni të veprojnë sa më shpejt të jetë e mundur në mënyrë që të sqarojnë abuzimet e mundshme”, deklarojnë nga Ministria e Kulturës. Hetimi i brendshëm ka nisur një ditë pas ardhjes në krye të Ministrisë së Kulturës së Irena Stefoskës, në periudhën prej 1 shtatorit 2020 deri më 31 janar 2021. Për shkak të projekteve të parealizuara dhe dokumentacionit të çrregullt financiar, Ministria ndërpreu kontratat.
“Ministria e Kulturës, siç kemi informuar tashmë, kreu një audit të brendshëm. Rezultatet e auditimit u dërguan në Ministrinë e Financave, Policinë Financiare dhe në Antikorrupsion. Në përputhje me konkluzionet e miratuara nga seanca e Qeverisë, Ministria e Kulturës nuk do t’i paguajë fondet përdoruesve të tjerë deri në përfundimin e kontrolleve financiare, në mënyrë që të mbrojë fondet e buxhetit. Të gjitha informacionet do të dihen pas kontrolleve të përfunduara, për të cilat organet e thirrura duhet të komentojnë më hollësisht”, ka deklaruar nga Ministria e Kulturës.
Anekset e marrëveshjeve për të shtuar fondet dhe miratimi i projekteve të apeluara u bënë gjatë muajve qershor dhe korrik, në kohën kur ministria drejtohej nga ish-ministri Hysni Ismaili, i cili për “Telma” ka deklaruar se “vendimet e marra për projekte të tilla janë të komisioneve përkatëse në Ministrinë e Kulturës, anëtarët e të cilëve janë profesionistë në këtë fushë dhe nga i gjithë komuniteti etnik. Sipas praktikës së deritanshme brenda institucionit të kulturës projektet fituese në Konkursin vjetor për financimin e projekteve me interes nacional në kulturë përveç filtrit të Komisionit nuk mund të kalojnë “pa aminin” e hierarkëve kyç që drejtojnë dikasterin e kulturës.
Një prej rasteve të ngjashme ishte me Programin e kulturës të vitit 2018, ku skandali me abuzimet u bë më i rëndë me denoncimin e bërë nga anëtari shqiptar i komisionit të muzikës, sipas të cilit projektet e refuzuara prej tij u miratuan nga eprorët, pa u marrë parasysh argumentimi profesionist. Skandali i Programit 2018 u mbyll me prishjen e kontratave për vetëm 10 projekte në vlerë prej 9.219.000 denarësh./Koha/
Promo
Reklamo këtuLufta Prigozhin - Putin
Më shumëNjë milion qytetarë të regjistruar deri më tani, dalin statistikat sipas komunave
Dënimi me 25 vjet i Sekiraqës, babai i Triumf Rizës: Kurrfarë vendimi, nuk e kuptoj si më të vlefshëm kriminelët se polici që mbron ligjin e shtetin
25 vjet burgim për Enver Sekiraqën
Human Rights Network dënon sulmin e ministrit Murati ndaj mediave dhe shoqërisë civile
Vendosja e kamerave të sigurisë në veri, Elshani: Do të krijojmë një klimë të sigurisë më të madhe te qytetarët
Hapet dyqani i parë social në Prishtinë, Rama: Qytetarët në nevojë mund të furnizohen çdo muaj falas me produkte ushqimore e higjienike
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe