Numrat e telefonit të përdoruesve të Facebook janë për shitje nga një sulm i radhës

20 dollarë për numër, përveç nëse po blini me shumicë.

Dikush ka ndërhyrë në disa të dhëna në Facebook ku janë numrat e përdoruesve dhe tani po i shet ato të dhëna duke përdorur një robot të aplikacionit Telegram, sipas një raporti nga Motherboard.

Studiuesi i sigurisë që gjeti këtë dobësi, Alon Gal, thotë se personi që drejton këtë robot  pretendon të ketë informacionin e 533 milionë përdoruesve, të cilat erdhën nga një cenueshmëri e Facebook që ishte rregulluar në vitin 2019, shkruan The Verge.

“Kjo është shumë shqetësuese të shohësh një bazë të dhënash të asaj madhësie që shitet në komunitetet e krimit kibernetik, ajo dëmton privatësinë tonë seriozisht dhe sigurisht do të përdoret për të mashtruar dhe aktivitete të tjera mashtruese nga aktorë të këqij”, tha Alon Gal, bashkëthemelues dhe CTO i firmës së sigurisë kibernetike Hudson Rock, dhe i cili së pari lajmëroi Motherboard për këtë robot.

https://twitter.com/UnderTheBreach/status/1349671294808285184?ref_src=twsrc%5Etfw%7Ctwcamp%5Etweetembed%7Ctwterm%5E1349671417625931778%7Ctwgr%5E&ref_url=https%3A%2F%2Fwww.theverge.com%2F2021%2F1%2F25%2F22249571%2Ffacebook-phone-number-hack-telegram-bot

Roboti lejon dikë të bëjë dy gjëra: nëse ata kanë një ID të përdoruesit në Facebook të një personi, ata mund të gjejnë numrin e telefonit të atij personi, dhe nëse kanë numrin e telefonit të një personi ata mund të gjejnë ID-në e tyre të përdoruesit në Facebook.

Bot-i ka filluar që prej të paktën 12 janar 2021, sipas pamjeve të ekranit të postuara nga Gal, por të dhënat që ju ofron mundësia janë nga viti 2019. Kjo është relativisht e vjetër, por njerëzit nuk i ndryshojnë aq shpesh numrat e telefonit.

Për momentin është e panjohur nëse Motherboard ose studiuesit e sigurisë kanë kontaktuar Telegram për t’u përpjekur të heqin robotin, por shpresojmë se është diçka që mund të shuhet së shpejti.

Roboti pretendon të përmbajë informacion mbi përdoruesit e Facebook nga SHBA, Kanada, Mbretërinë e Bashkuar, Australia dhe 15 vende të tjera. /Telegrafi/