Dhëmbët si sharrë të peshkaqenit legjendar Megladon ishin ‘thjesht për shfaqje’, argumentojnë shkencëtarët

Evolucioni i dhëmbëve të peshkaqenit Megladon është debatuar për dekada – dhe më parë besohej se ishte një përshtatje ndaj zakoneve të reja të të ushqyerit.

Por megjithëse ishin më shumë se dyfishi i madhësisë së një peshkaqeni të bardhë, ato nuk ishin aq të forta.

Një ekip i Universitetit të Bristolit ka përdorur modele kompjuterike për të treguar për herë të parë se si funksiononin.

Antonio Ballell, student i doktoratës në Shkollën e Shkencave të Tokës, tha: ”Ne aplikuam teknika inxhinierike për të simuluar se si forma të ndryshme dhëmbësh trajtojnë forcat e kafshimit dhe ngarkesat që vijnë nga lëvizjet anësore të kokës. Kjo metodë, e quajtur Analiza e Elementit të Fundit, është përdorur më parë për të kuptuar sesa rezistente janë strukturat e ndryshme biologjike nën forca specifike. Ne prisnim që dhëmbët Megalodon të mund t’i rezistonin forcave më mirë sesa atyre të të afërmve të tij më të vjetër dhe më të vegjël. Çuditërisht, kur hoqëm madhësinë e dhëmbit nga simulimet, ne gjetëm modelin e kundërt. Dhëmbët megalodon janë relativisht më të dobët se dhëmbët më të shkathët të peshkaqenëve të tjerë”, tha ai, shkruan Metro.co.uk.

Megalodon, që do të thotë ‘dhëmb i madh’, është peshkaqeni më i madh që ka jetuar ndonjëherë.

Dhëmbët e tij – të mëdhenj sa dora e një burri – janë të gjerë dhe trekëndësh, ndryshe nga çdo tjetër dhëmbë i peshkaqenëve, transmeton Telegrafi.

Megalodon ka shumë të ngjarë t’i ketë përdorë ata dhëmbë për të kafshuar copa të mëdha mishi nga gjitarët detarë. Ata janë gjetur në të gjithë botën. Skeletet e peshkaqenëve janë bërë me kërc në vend të kockave që nuk ruhen mirë.

Pak prej tyre kanë mbijetuar. Ishte grabitqari i majës së oqeaneve – duke u ushqyer edhe me balena dhe të bardha të mëdha.

Filmi i madh i vitit 2018 The Meg me protagonist Jason Statham u bazua te ky përbindësh.

Bashkë-autori i studimit Humberto Ferron tha: Rezultatet tona mund të duket se janë në kundërshtim me interpretimet tradicionale të dhëmbëve të këtyre grupeve të peshkaqenëve gjigantë. Ne mendojmë se proceset e tjera biologjike mund të jenë përgjegjëse për ndryshimin evolucionar në dhëmbët e tyre. Për shembull, modifikimet në formën e dhëmbëve që kanë ndodhur nga speciet më të vjetra, më të vogla në ato të formave më të fundit, më të mëdha si Megalodon janë shumë të ngjashme me ato të vërejtura përgjatë rritjes së Megalodon.

Megalodon jetoi midis 3.6 deri në 20 milionë vite më parë.

Tashmë dihej se ishte i gjatë gjashtë metra e gjysmë që në lindje – duke bërë që njerëzit të dukeshin xhuxh në krahasim me të.

Ai u zhduk pasi ftohja globale çoi në humbjen e ujërave tropikale – habitati i tij i preferuar. /Telegrafi/