Ndërron jetë projektuesi legjendar i modës, Pierre Cardin

Dizajneri i famshëm francez, Pierre Cardin, raportohet se ka ndërruar jetë në moshën 98 vjeçare.

Familja e tij deklaroi se ai vdiq në një spital në Neuilly, në perëndim të Parisit.

‘Projektuesi francez i modës Pierre Cardin vdiq në një spital në Neuilly, në perëndim të Parisit, të martën në moshën 98 vjeçe’, i tha familja e tij agjencisë së lajmeve AFP.

Le Secrétaire perpétuel, Laurent Petitgirard, et les membres de l’Académie des beaux-arts ont la très grande tristesse d’annoncer la disparition de leur confrère Pierre Cardin. Il avait été élu le 12 février 1992 au fauteuil de Pierre Dux (section des membres libres). pic.twitter.com/sA1mABvZB5

— Académie des beaux-arts (@AcadBeauxarts) December 29, 2020

“Ishte një ditë e trishtë për gjithë familjen tonë. Pierre Cardin nuk është më me ne”, thuhet në deklaratën e tyre.

Por, kush ishte Pierre Cardin?

Ai ka lindur në vitin 1922 afër Venecias në Italinë Veriore, familja e tij emigroi në Francë kur ai ishte i vogël.

U rrit në qytetin industrial francez të Saint Etienne. Në moshën 17 vjeç u bë një nxënës i një rrobaqepësi në Vichy dhe tashmë ishte i specializuar në kostumet e grave.

Më pas u transferua në Paris, ku projektoi setet dhe kostumet magjepsëse për filmin “Beauty and the Beast”.

Pas një pune me Christian Dior, Cardin themeloi shtëpinë e tij të modës në 1950. Në dekadat në vijim ai ndërtoi edhe një perandori globale të biznesit.

Cardin ishte projektori i parë që shiti koleksionet e rrobave në dyqane në fund të viteve 1950, dhe i pari që hyri në biznesin e licencimit të parfumeve, aksesorëve dhe madje edhe ushqimit – një nxitës kryesor i fitimit për shumë shtëpi të modës. /Telegrafi/