Kryetari i Odës së Farmacistëve: Vaksinimi në veri pa lejen e AKPPM, shkelje e ligjeve të Kosovës dhe marrëveshjes së Brukselit

Kryetari i Odës së Farmacistëve të Kosovës, Arianit Jakupi, ka reaguar pasi është raportuar se qytetarët e veriut të Kosovës po vaksinohen me vaksina antiCovid të dërguara nga Serbia.

“Jakupi ka thënë se vaksinat konsiderohen produkte medicinale dhe si të tilla duhet t’i nënshtrohen rregullave që i vendos Agjenciani Kosovare për Produkte Medicinale (AKPM).

Vaksinat konsiderohen produkte medicinale dhe si të tilla i nënshtrohen autorizimit për marketing – regjistrimit në AKPPM. Pas regjistrimit për çdo import duhet të merret leja për import e cila gjithashtu merret nga AKPPM”.

Lexo po ashtu Faik Hoti flet për vaksinat e Pfizer: Serbia mori një sasi simbolike, sikurse Kosova të kishte marrë 600 vaksina

I pari i farmacistëve të Kosovës thotë se edhe veriu nuk duhet të ketë përjashtim në këtë rregullore.

“Sa i përket furnizimit të qyteteve në veri nuk ka ndonjë dallim me qytetet tjera, me gjithë tendencën dhe kërkesat përgjatë viteve, por kjo çështje ligjërisht ka përfunduar në Bruksel në vitin 2014 dhe këto procedura vlejnë për tërë territorin e Republikës së Kosovës dhe për të gjitha produktet medicinale nga cilido prodhues qofshin”.

Jakupi ka shkruar se çdo procedurë pa lejen e AKPM-së është shkelje e ligjeve të Republikës së Kosovës dhe gjithashtu shkelje e marrëveshjes së Brukselit.

Lexo po ashtu Zëdhënësi i PDK-së reagon për vaksinat nga Serbia: LDK, ashtu sikurse VV dështoi në mbrojtjen e sovranitetit të vendit

“Çdo procedurë që përfshin produktet medicinale pa marrë leje nga AKPPM është shkelje e ligjeve të Republikës së Kosovës dhe gjithashtu shkelje e marrëveshjes së Brukselit”, shkroi më tej Arianit Jakupi në Facebook./Telegrafi/

Lexo po ashtu Abazi thotë se vaksinimi i qytetarëve në veri nga Serbia, është shkelje e sovranitetit të Kosovës