E dashura e Seldit sqaron të vërtetën rreth raportit me këngëtarin: Ishte gabimi im, por nuk jemi ndarë

Vetëm pak më parë në të gjitha mediat shqiptare ka qarkulluar lajmi për një krizë në lidhjen e këngëtarit Seldi Qalliu dhe partneres së tij, modeles Sindi Cela.

Të njëjtit u raportuan për një ndarje të mundshme ndërmjet tyre pasi kishin fshirë fotografitë e përbashkëta në rrjete sociale e po ashtu nuk ndiqnin më njëri-tjetrin.

Lidhur me këtë së fundmi një reagim e ka bërë vet modelja shqiptare, e cila mohon të jetë ndarë me Seldin.

Ajo tregon se ishte gabimi i saj dhe se kjo ndodhi pas një jave të ngarkuar me studime dhe punë.

“Të dashur miq, dua të sqaroj diçka me ju, jo sepse duhet të justifikohem, pasi e ndjej të detyruar të ju informoj pasi kjo e gjitha ishte gabimi im, pas një konflikti me Seldin, javën me provime dhe punën që kisha shumë të ngarkuar plus në këtë kohën që jetojmë sot që nuk është aq e thjeshtë, u tregova shumë impulsive. Nuk e dija që kjo do kishte një impakt të madh, por unë dhe Seldi nuk jemi ndarë”.

Lexo po ashtu Seldi Qalliu fshin fotografitë me partneren e re dhe nuk ndiqen më në rrjete sociale

“Desha të shtojë që në fund të ditës njerëz jemi dhe njerëz ngelemi nuk i kontrolloj dot emocionet”, ka thënë ajo.

Sindi dhe Seldi zyrtarizuan lidhjen në shtator të këtij viti, pikërisht në ditëlindjen e 22-të të modeles. /Telegrafi/