Nënkryetari i Komunës së Podujevës, Nexhmi Rudari ka pritur sot në takim ministrin e Shëndetësisë, Armend Zemaj, dhe ministrin e Punëve të Brendshme, Agim Veliu, me ç’rast nënkryetarit Rudari i është dorëzuar projekti i finalizuar për ndërtim të Spitalit të Podujevës.
Në takimin e sotëm, ku përveç ministrave Zemaj e Veliu, ishin të pranishëm edhe U.D. Drejtori i ShSKUK-së, Saudin Maliqi, përgjegjësi i Spitalit të Podujevës, Afrim Tahiri, deputetët Ekrem Hyseni dhe Visar Hoti dhe zyrtarë të Komunës së Podujevës, nënkryetari Rudari ka falënderuar ministrin Zemaj për projektin e ndërtimit të aneksit të spitalit, i cili do të jetë finalizim i projektit të nisur vite më parë për funksionalizimin e Spitalit të Podujevës, duke e bërë një spital që do të ofrojë shërbime dhe trajtime specialistike për qytetarët e Llapit.
Rudari falënderoi edhe ish-kryetarin e Komunës, Agim Veliu, për punën e palodhshme për të filluar punimet për Spitalin e Përgjithshëm.
Ministri Zemaj e quajti lajm të mirë për të gjithë finalizimin e projektit për ndërtimin e Spitalit në vlerë prej mbi 9 milionë euro, i cili do të ketë 7,700 metra2 dhe do të ofrojë shërbime të Diagnostikës (Laboratorët me Radiologji), Ambulanca specialistike, Shërbimi emergjent, Mjekësia Interne, Kirurgji dhe Ortopedi, Gjinekologji e Neonatologji dhe Pediatri.
“Objekti është projektuar sipas standardeve evropiane të ndërtimit të spitaleve dhe objekteve shëndetësore. Realizmi i projektit pritet të fillojë shumë shpejt, kurse qëllimi është që ky spital t’u ofrojë shërbime shëndetësore të nivelit sekondar qytetarëve të Komunës së Podujevës dhe zonave të tjera”, tha ministri Zemaj.
Më tej ministri Zemaj tha se krahas ndërtimit të objektit, prioritet tjetër është ngritja e kapaciteteve dhe punësimi i stafit mjekësor, për çka do të përkujdeset SHSKUK.
Ndërsa, Ministri i Punëve të Brendshme, Agim Veliu, në kohën kur ky ishte kryetar i Podujevës u ndërtua objekti ekzistues i spitalit dhe u mor vendimi për themelimin e Spitalit të Podujevës, tha se shpreson që ky projekt të realizohet sipas planit të paraparë dhe qytetarët e trevës së Llapit të marrin shërbimet e nevojshme mjekësore.
U.D. Drejtori i ShSKUK-së, Saudin Maliqi e cilësoi moment të veçantë dhe të rëndësishëm këtë projekt, i cili plotëson të gjitha standardet e spitaleve moderne të vendeve të BE-së. /Telegrafi/
Lufta Prigozhin - Putin
Më shumëPublikohen pamjet kur avokati Sokol Mëngjesi goditet me dorezë hekuri
Letra drejtuar KiE-së që përplasi Qeverinë dhe Presidencën, çfarë tha Konjufca e çka Osmani
Elshani: Shumë shpejt do të hapet për qarkullim ura e Ibrit në Mitrovicë
Pasi dështoi shpërndarja e Kuvendit, deputetët e PDK-së e quajnë Kurtin "mjeshtër të mashtrimit"
Vranët dhe me shi
Sherri ku u plagosën tre persona në Pejë nisi për një veturë “Golf III”
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Pse çdo prind duhet të zgjedhë këpucët apo atletet Reebok në Melodia Px për fëmijët e tyre?!
Eksploro natyrën dhe ngjit majat me çizmet e duhura
Formësoje trupin me peshën Martes
Rehatohu n’plazh mirë dhe lirë
Për çfarë vibes je – Summer Vibes apo Good Vibes?
Më të lexuarat
Publikohen pamjet kur avokati Sokol Mëngjesi goditet me dorezë hekuri
Inteligjenca Artificiale parashikon çdo fitues të Topit të Artë deri në vitin 2038
Metoda ushtarake që ju mëson të bini në gjumë brenda pak minutave
Hummels shpërthen keq ndaj trajnerit të Dortmundit para finales me Real Madridin
Shkencëtarët besojnë se egjiptianët u përpoqën të shëronin kancerin 4000 vjet më parë
Kyle Walker shpjegon pse futbollistët mbulojnë gojën ndërsa flasin mes vete