Hakohet uebfaqja e fushatës së Trump

Uebfaqja zyrtare e presidentit të SHBA-së Donald Trump është hakuar.

Ekipi i tij i fushatës së rizgjedhjes po heton shkeljen e sigurisë.

“Bota ka shumë lajme të rreme të përhapura çdo ditë” nga presidenti i SHBA-së, një mesazh në www.donaldjtrump.com shfaqet shkurtimisht, shkruan BBC.

Ekipi i fushatës tha se nuk kishte “ekspozim ndaj të dhënave të ndjeshme sepse asnjëra prej tyre nuk është ruajtur në sit”. Uebfaqja tani është kthyer përsëri.

Fotografitë që qarkullojnë në internet tregojnë se faqja e internetit shfaq shkurtimisht një mesazh të rremë, shoqëruar nga simbolet e FBI-së dhe Departamentit të Drejtësisë të SHBA-së.

“Është koha të lejojmë që bota të njohë të vërtetën”, shkruhej në tekstin në faqen e internetit.

Hakerat gjithashtu pretenduan të kenë prova që administrata amerikane “është e përfshirë në origjinën e coronavirusit” dhe duke ndërhyrë në zgjedhjet presidenciale, të cilat zhvillohen në 3 nëntor.

Trump's Campaign website hacked/defaced by someone who is sick of the "fake news spreaded daily" by the president. pic.twitter.com/035neUv7kc

— Nicole Perlroth (@nicoleperlroth) October 27, 2020

“Uebfaqja e fushatës Trump u dëmtua dhe ne po punojmë me autoritetet e zbatimit të ligjit për të hetuar burimin e sulmit. Nuk kishte ekspozim ndaj të dhënave të ndjeshme sepse asnjëra prej tyre nuk është ruajtur në sit”, tha drejtori i komunikimit të fushatës Trump Tim Murtaugh në një deklaratë për CNN .

Prishjet e faqeve në internet janë një formë e ulët e vandalizmit kibernetik, e ngjashme me dikë që shkel në tokë private dhe shkruan një mesazh të keqe me ngjyrë në një mur.

Sulmi zgjati vetëm 30 minuta. /Telegrafi/