Dorëshkrimet e Hitlerit shiten në ankand ‘mbi çmimin e kërkuar’

Shënimet e fjaleve të shkruara me dorë nga Adolf Hitler u shitën për 34,000 euro në një shtëpi ankandi në Mynih të premten, pavarësisht zemërimit nga një grup hebre evropian.

Sipas mediave të huaja, përcjell Telegrafi, një dorëshkrim nëntë faqesh, i cili përshkruan një fjalim të vitit 1939, që diktatori nazist u dha oficerëve të rinj ushtarakë në Berlin, u shit për shumë më tepër se çmimi fillestar.

Artikujt në ankand, që datojnë që nga fillimi i Luftës së Dytë Botërore, ishin për fjalime në organizatat dhe kontribuesit nazistë, dhe iu referuan përgatitjeve të luftës së Gjermanisë dhe “problemit hebre”.

Siç thuhet më tej, të gjithë u blenë nga ofertuesit anonimë.

Hitleri ishte përgjegjës për disa nga krimet më të këqija në histori gjatë luftës, pasi kishte mbikëqyrur gjenocidin e 6 milionë hebrenjve evropianë.

Bernhard Pacher, drejtori menaxhues i shtëpisë së ankandeve Hermann Historica, mbrojti shitjen e së premtes, duke thënë se ato kishin rëndësi historike dhe duhej të ruheshin në një muze.

Por kreu i Shoqatës Evropiane të Hebrenjve (EJA) tha se vendimi për të shitur shënimet “sfidon logjikën, mirësjelljen dhe njerëzimin”. /Telegrafi/