Rudina Dembacaj flet mes lotësh: Nuk e përjetova siç duhet propozimin për shkak të mungesës së babait

Rudina Dembacaj vetëm pak ditë më parë i ka dhënë fund beqarisë duke u fejuar me partnerin e saj, Mark Frroku.

Ajo i tha PO propozimit që i bëri ish-deputeti gjatë pushimeve të tyre në Kapadokia të Turqisë.

Megjithatë, së fundmi ka qenë e ftuar në emisionin “Ftesë në 5” derisa ka treguar detaje nga dita e saj e rëndësishme.

Edhe pse ka emocionet e propozimit të mrekullueshëm, moderatorja shtoi se ka një mungesë të madhe për babanë e saj.

Prezantuesja mes lotësh tha se asgjë nuk është më si më parë pas vdekjes së tij.

“Për shkak se mua më mungon shumë ai person, s’e kam përjetuar këtë gjë siç duhet ta përjetoja. Pas vdekjes së tim eti nuk është asgjë si më parë. Mundohem që për mamanë dhe motrën të jem mbështetja. E diela vijon të jetë ajo fanatikja mes motrës, mbesës dhe Viktorias sime”.

“Të dielat në Lezhë nuk krahasohen me asgjë në botë. Unë përveç familjes time kam pasur dhe Markun. Prezenca e Viktorias sfumon çdo lloj dhimbje, por unë do të jem vajza e babit dhe ai ishte shumë i lumtur, sepse më ka mësuar të mos e gënjej veten. Unë do të vijoj të mos gënjej kurrë sepse ai rriti një vajzë të tillë. I kërkoj ndjesë publikut, më mungon pafund”, u shpreh Rudina.

Rudina po ashtu ka një vajzë të quajtur, Viktoria, nga martesa e saj e mëparshme. /Telegrafi/