Trajneri i Liverpoolit, Jurgen Klopp, po planifikon bisedime me gjashtë lojtarë për të ardhmen e tyre në Anfield pas përfundimit të sezonit në Ligën Premier.

Sipas mediumit Sunday Express ka gjashtë lojtarë që do të duhet të jenë të guximshëm kur bëhet fjalë për të vendosur të ardhmen e tyre me Reds.

Sulmuesi Divock Origi tani është në një udhëkryq në karrierën e tij, ndërsa Xherdan Shaqiri është bërë njeriu i harruar në Anfield për shkak të dëmtimeve të vazhdueshme.

Lexo po ashtu Xherdan Shaqiri në bisedime me Fenerbahçen, Liverpooli të gatshëm ta lirojnë

Sulmuesi i ri Rhian Brewster ka ndezur për Sëansean që nga momenti i bashkimit të tyre në huazim në janar dhe do të dëshirojë rregullisht futbollin e ekipit të parë sezonin e ardhshëm.

Mesfushori Marko Grujic është vendosur të kthehet nga huazimi i tij te Hertha Berlin, por ka fituar disa admirues në Gjermani dhe Borussia Monchengladbach është e interesuar për një marrëveshje të përhershme.

Lexo po ashtu Klopp e pranon se Liverpooli mund të mos bëjë asnjë blerje në verë

E njëjta gjë mund të thuhet edhe për Harry Wilson, i cili ka duruar një huazim të përzier me Bournemouth.

Më në fund, Loris Karius dëshiron të qëndrojë dhe të luftojë për vendin e tij por nuk duket se ka vend për të, pasi tani Adrian shihet si zgjedhje e dytë. /Telegrafi/