Sorrat janë në gjendje të mbajnë mëri dhe të kujtojnë fytyrën tënde nëse sillesh keq me to

Sorrat janë të njohura për përshtatshmërinë dhe inteligjencën e tyre

Përveç sjelljeve të tyre të këqija, këta shpendë të zeza janë në të vërtetë krijesa tërheqëse dhe ato janë disa nga kafshët më inteligjente në botë.

Megjithatë, një gjë që habiti shumë është që këto shpendë nuk e lënë që ‘karma’ të bëjë punën e saj!

Në fakt, është raportuar se sorrat mund të mbajnë mend fytyrat, kështu që nëse keni pasur sjellje të këqija me një sorrë, do të vijë të zgjidhë problemet!

“Sorrat jo vetëm që mbajnë mëri, ato u tregojnë miqve dhe familjes së tyre për ty”, thuhet në një publikim.

Në vitin 2011, John Marzluff nga Universiteti i Uashingtonit vendosi të studiojë këtë pretendim. Gjetjet e studimit zbuluan se sorrat dhe njerëzit ndajnë një gjë të përbashkët, ato mund të mbajnë mend imazhe të fytyrave dhe ato mund t’i shoqërojnë ato fytyra me ndjenja polarizuese.

Studiuesit zbuluan se sorrat i mësojnë përmendsh fytyrat e njerëzve që u kanë bërë padrejtësi atyre dhe nëse e shohin personin më vonë, mund të sjellin turma të sorrave të tjera, për ta sulmuar atë person.

Lexo po ashtu Sorrat, korbat dhe njerëzit ndajnë një gjë të përbashkët

Studimi vijues tregoi se kur ata vërejnë një fytyrë të njohur, truri i tyre sinjalizohet, si mendja njerëzore.

Kjo ishte hera e parë që një hulumtim i tillë u krye në një shpend dhe Marzluff shpjegoi se ky organ në zogj është analog me amigdalën e gjitarëve:

“Amigdala është rajoni i trurit vertebror ku ndjenjat negative ruhen si kujtime. Deri tani dihej për funksionin e saj në gjitarë, ndërsa puna jonë tregon se një sistem i ngjashëm është duke punuar në zogj”. /Telegrafi/