Derkoski: Nuk thirri seancë pa vendim të Talat Xhaferit

Kryetari i Komisionit Shtetëror të Zgjedhjeve (KSHZ) Oliver Derkoski vlerëson se nuk ka asnjë arsye të caktojë seancën e KSHZ-së për faktin se, sipas tij, për të vazhduar tërë procesin zgjedhor, kryetari i Kuvendit Talat Xhaferi së pari duhet të marrë një vendim për një datë të re zgjedhjesh.

Ai për AIM tha se nuk tha që do të thërriste seancë sot, ndërsa as nuk planifikoi ta bënte këtë derisa të merrte një vendim nga kryetari i Kuvendit.

“Pa e marrë atë vendim, nuk shoh asnjë arsye për seancë. Kjo është sipas Kodit Zgjedhor. Nga sot jemi në gjendje të rregullt në vend dhe kjo vlen edhe për Ligjin Zgjedhor, dhe jo disa dekrete të miratuara nga Qeveria gjatë gjendjes së jashtëzakonshme. Katër anëtarët e KSHZ nga LSDM dhe BESA më dërguan një kërkesë dy orë më parë për të thirrur seancë. Sipas Rregullores së Punës, ata kanë të drejtë të kërkojnë, por kërkesa i referohet dekreteve, dhe për mendimin tim dhe sipas shumë njerëzve në vend dhe ekspertëve dhe opinionit tjerë dhe Gjykatës Kushtetuese, dekretet janë të vlefshme vetëm gjatë gjendjes së jashtëzakonshme. Nuk kam afat për përgjigje, por do t’u përgjigjem atyre nëse do të caktoj seancë apo jo. Unë ua lë atyre të vendosin se si do të veprojnë, dhe nuk do të marr pjesë në veprime të paligjshme”, tha Derkoski.

Në mënyrë që KSHZ të punojë në mënyrë legjitime dhe legale, theksoi ai, i duhet vendim nga kryetari i Kuvendit, i cili është shtylla e parë themelore në Ligjin Zgjedhor se si të organizohen zgjedhjet./Telegrafi/