Për të gjithë adhuruesit e vikingëve, del trileri i lojës Assassin’s Creed Valhalla

Zbuluar javën e kaluar, loja Assassin’s Creed ka të bëjë me Vikingët. Tani ka ardhur koha që të bëjmë një vështrim më të mirë se çfarë Assassin’s Creed Valhalla na ofron.

Ubisoft shfaqi trilerin e parë të lojërave Assassin’s Creed Valhalla, një lojë që supozohet të përfitojë plotësisht nga përmirësimet e ofruara nga gjenerata e ardhshme e tastierave, përfshirë Xbox Series X dhe PlayStation 5, transmeton Telegrafi.

“Si zhvillues, ne jemi gjithnjë të ngazëllyer për të punuar me pajisje të reja sepse na jep një aftësi më të madhe për të shprehur vizionin tonë krijues. Assassin’s Creed ka qenë gjithmonë i angazhuar për të eksploruar teknologjitë e reja dhe duke shfrytëzuar aftësitë e reja të konzollave për të ofruar përvojën më të mirë të mundshme. Jemi të ngazëllyer që bashkëpunojmë ngushtë me Microsoft-in për ta sjellë Assassin’s Creed Valhalla në Xbox Series X”, tha Ashraf Ismail, Drejtori Krijues i Assassin’s Creed Valhalla.

Edhe pse ajo që kemi treguar në video nuk zbulon asgjë në lidhje me elementët RPG ose aspektet e ndërtimit të bazës së lojës, të paktën marrim një vështrim të mirë në disa prej armëve të përfshira në Assassin’s Creed Valhalla.

Më e rëndësishmja, Ubisoft dhe Microsoft konfirmuan që të gjithë ata që blejnë Assassin’s Creed Valhalla në Xbox One do të jenë në gjendje ta përmirësojnë atë në Xbox Series X falas falë teknologjisë Smart Delivery.

Në thelb, kjo do të thotë që ju duhet vetëm ta blini lojën një herë dhe ta luani atë në Xbox One ose Xbox Series X kur të dyja tastierat dhe loja janë në dispozicion.

Assassin’s Creed Valhalla do të dalë në treg në mbarë botën në fund të vitit 2020 në Xbox Series X, Xbox One, PlayStation 5, PlayStation 4, Stadia dhe PC ekskluzivisht në të dy Epic Games Store dhe Ubisoft Store. /Telegrafi/