Jevtiq uron komunitetin goran për ditën e Shën Gjergjit

Ministri në detyrë për Komunitete dhe Kthim, Dalibor Jevtiq ka uruar komunitetin goran me rastin e ditës së Shën Gjergjit,

“Arlija Djuren – Gëzuar Shën Gjergjin”!. Në frymën e përshëndetjes suaj tradicionale dhe me daulle, dhe me atmosferën e bashkimit dhe gëzimin e përgjithshëm dua që ju të festoni festën tuaj, ruajeni shkëlqimin e zakoneve dhe kujtimeve tuaja, si dhe që ktheheni gjithmonë në Gorën tuaj. Unë ju uroj që festa t’ju sjell shëndet, lumturi familjare për të gjithë, për të përballuar sfidat e kohës sonë së bashku,” tha Jevtiq.

Jevtiq theksoi se megjithëse komuniteti goran përballet me shumë sfida, Ministria për Komunitete dhe Kthim nuk do të lejojë kurrë margjinalizimin institucional të ndonjë komuniteti, përfshirë këtu edhe komunitetin goran në Kosovë.

“Së bashku me komunitetin Goran dhe komunitetet tjera, ne dëshirojmë të krijojmë kushte për një jetë dhe zhvillim më të mirë për komunitetin Goran.

Pas një aksidenti të vitit 2012 në Restelicë, Ministria për Komunitete dhe Kthim shpërndau pako ushqimesh për familjet më të rrezikuara, dhe Amserës së vogël, e cila humbi familjen e saj në një ortek bore, u ndihmua nga financiarisht. Institucioni, i kryesuar nga unë, ndihmoi 13 familje të komunitetit Goran, ndihmoi në rinovimin e shtëpive të tyre, ndërsa 25 familje morën shtëpi të reja, dhe u financua rindërtimi i tunelit në Restelica, kështu që ky është treguesi më i mirë i rëndësisë së popullit Goran për ne”, shprehet Jevtiq në urimin e tij. /Telegrafi/