Mikiq: Masat shtesë në Kumanovë nuk do të zvogëlojnë numrin e të infektuarve me coronavirus

Karantina shtesë në Kumanovë nuk do të kontribuojë në zvogëlimin e numrit të pacientëve me coronavirus, nga pikëpamja epidemiologjike. Tashmë kemi masa serioze shtrënguese të miratuara në territorin e të gjithë vendit, të cilat nëse respektohen do të zvogëlojnë përhapjen e virusit, tha sonte epidemiologu nga Instituti për Shëndet Publik, Vladimir Mikiq.

Ai për “Samo Vistina” sqaroi se nuk duhet të bëhet asnjë paralele midis Dibrës dhe Kumanovës, ose të besosh se një model që aplikohet në Dibër, do të funksiononte njëjtë mirë në Kumanovë.

“Kur zbatohet karantina, ajo zbatohet për një arsye, ndërsa kjo është për të zvogëluar mundësinë e transmetimit të sëmundjes nga një rajon në tjetrin. Kur u shpall masa e karantinës në Dibër, atëherë ne patëm një situatë krejtësisht të ndryshme në vend, ku u regjistrua pothuajse grupi i parë i rasteve, kështu që ideja ishte që të ngadalësohej përhapja nga Dibra në pjesën tjetër të vendit. Për momentin, Kumanova është në një situatë krejt tjetër”, shtoi ai.

Përhapja e virusit, siç thotë Mikiq, është e përhapur në Shkup dhe qytete e tjera, dhe nuk ka nevojë të prezantohet asgjë më shumë se sa ajo që është miratuar tashmë si masë kufizuese./Telegrafi/