Aleanca për Shqiptarët: Qeveria neglizhon gjuhën shqipe në çdo informim dhe rekomandim

Nëpërmjet një njoftimi, Aleanca për Shqiptarët thonë se “Situata e krijuar në vend është situatë në të cilën nuk jemi gjendur më parë prandaj edhe menaxhimi me të kërkon kujdes të veçantë por, kjo nuk do të thotë se e kursen nga përgjegjësia qeverinë e cila është e obliguar të respektoj çdo ligj të miratuar”.

“Pikërisht për informim të saktë dhe të drejtë është dashur që çdo rekomandim, masë dhe obligim të mos ju drejtohet qytetarëve vetëm në gjuhën maqedonase por, sipas ligjit të gjuhëve edhe në gjuhën shqipe”, shprehen nga ASH, njofton Telegrafi Maqedoni.

Sipas tyre, gjuha shqipe jo vetëm se nuk po përfillet nga ministritë e udhëhequra nga ministra maqedonas por,
fatkeqësisht nuk po përfillet as nga ministritë e udhëhequra nga ministra shqiptar.

“Rast i tillë ndodhi me Ministrinë e Arsimit dhe Shkencës e cila informatat dhe obligimet që shkollat e mesme dhe fillore duhet t’i plotësojnë i kanë pranuar vetëm në gjuhën maqedonase”, shprehen nga ASH.

Nga Aleanca për Shqiptarët shprehen se ligji është ligj dhe si i tillë duhet të respektohet edhe tani, prandaj
apelojmë deri tek organet kompetente me qëllim të informimit të drejtë dhe saktë çdo informatë,
rekomandim apo obligim të jetë në dy gjuhë./Telegrafi/