Zvogëlohet niveli i ujit në Liqenin e Dibrës

Jemi në mes të dimrit, por mungesa e reshjeve po “kullon” rezervuarin e Liqenit të Dibrës, ku ndodhet Hidrocentrali Shpilje. Niveli i liqenit po zvogëlohet, dhe në diell kanë dal zona me tokë që zakonisht janë nën ujë. Për dallim nga kjo, rezervuari Glloboçica është gjithmonë në vlerë optimale të funksionimit. Dy hidrocentralet përbëjnë sistemin hidroenergjetik të “Drinit të Zi”.

Periudha e zgjatur e thatë e zonës ujëmbledhëse në Dibër, e cila përfshin lumenjtë Radika dhe Drinin e Zi dhe degët e tyre, ka rezultuar në zvogëlimin e furnizimit me ujë në rezervuarin e Liqenit të Dibrës. Këtu është zvogëluar furnizimi me ujë nga Radika, i cili mesatarisht 14 metër kub ujë në sekondë që nga fillimi i vitit. Në të njëjtën kohë, rezervuari merr mesatarisht 5 metra kub ujë në sekondë përmes Drinit, pra rezervuarin “Glloboçica”.

“Periudha dhjetor – shkurt është një nga gjashtë periudhat më të thata në këtë pjesë të vitit në pesëdhjetë vitet e funksionimit të TEC Shpilje. Kuota maksimale e akumulimit është 580 metra, ndërsa aktualisht niveli është 568.65 metra”, thotë Goce Bozhinovski, përgjegjës në TEC Shpilje.

Ai shton se nga fillimi i vitit deri më tani në “Shpilje” është prodhuar 25 milion kilovat-orë energji elektrike, që është 57 përqind e të planifikuarës për këtë periudhë vjetore./Telegrafi/