Sekretari i përgjithshëm i Partisë Socialiste, Taulant Balla në studion e Ilva Now në Euronews Albania shprehu bindjen se presidenti Ilir Meta me veprimet dhe retorikën politike dëshmon më së miri se nuk mund të jetë më president, ndërsa nuk përjashtohet mundësia që të jetë duke krijuar ndonjë parti tjetër.
“Një president në republikë që bën këto veprime, ka këtë retorikë politike, unë mendoj që nuk mund të qëndrojë më president në republikë, por del në fushën, në lëmin e partive politike. Se kthehet te partia e vet, se krijon parti tjetër, se bashkohet me Partinë Demokratike, është çështje që i takon zotit Meta, por në këndvështrimin e shtetarit, presidenti i republikës, me këtë retorikë politike, nuk mund të jetë më president i republikës”, tha Balla.
Duke iu referuar Kongresit të Socialistëve që nis nesër, z. Balla tha se në tri ditë do të diskutohen çështje të ndryshme, teksa veçoi atë që e cilësoi si një revolucion që është bërë i mundur në Shqipëri nga PS.
“Do të ndalemi së parë në atë që unë mendoj se është një revolucion që ka ndodhur në Shqipëri gjatë viteve të fundit, ku kemi një rritje eksponenciale të përfaqësimit për të shkuar drejt barazisë të përfaqësimit gjinor në Shqipëri. Jemi të renditur, për sa i përket përfaqësimit në qeverisje, të pestët në botë”, – tha ai.
Kreu i grupit të PS e vlerësoi si shumë të rëndësishëm këtë mandat të PS, teksa renditi një sërë reformash që siç tha nuk do të ishte e mundur t’i realizonin nëse do të ishin në koalicion.
“E fundit është paketa KÇK. Që të jemi të qartë, akti normativ ka hyrë në fuqi, pra po zbatohet. Kuvendi do ta votojë më 5 mars me një shumicë. Unë jam i sigurt që opozita parlamentare do ta mbështesë. Por nëse do kishim qenë në koalicion me LSI, LSI nuk do ta kishte mbështetur kurrë paketën KÇK, sepse shoh dhe tani që nuk janë dakord edhe pse domosdoshmëria që një lufte pakompromis kundër krimit të organizuar duke nisur nga asetet, nga pasuria e tyre ishte e domosdoshme dhe është një luftë që ka një garanci për sukses. E përmenda sepse ju e dini se PS në 2016 ishte e gatshme të prishte koalicionin me LSI nëse ata nuk do pranonin të miratonin reformën në drejtësi. Dhe e mbani mend mirë se si opozita e PD u betua për muaj me radhë në çadër se nuk do ta votonte vetingun”, u shpreh z. Balla.
Ai i cilësoi “ripërsëritje e një kënge të vjetër nga disa njerëz që kanë humbur koherencën në kohë” zërat e disa socialistëve të vjetër që kanë kërkuar riformatimin e PS si çështje për t’u diskutuar gjatë Kongresit.
I pyetur se pse Partia Socialiste është kundër ndryshimit të sistemit zgjedhor, z. Balla u shpreh se për PS sistemi nuk ka qenë kurrë problem për zgjedhjet në Shqipëri, por ka të bëjë me llogaritë politike të secilit krah apo tjetër.
“Në Shqipëri sistemi zgjedhor është i ri. Ka vetëm 10 vjet që po impelmentohet. Pra, në bazë të këtij sistemi është konfiguruar parlamenti i ri si vullnet i qytetarëve të lirë të këtij vendi, por megjithatë ne kurrë si PS nuk ia kemi mohuar të drejtën opozitës parlamentare për t’u ulur dhe për të diskutuar avantazhet dhe disavantazhet. Unë uroj që ky debat i brendshëm brenda opozitës për lidershipin e opozitës mes Ilir Metës dhe Lulzim Bashës apo tjetër, të mos afektojë aspak këtë frymë konsensusi që kemi instaluar pas 1 vit humbjeje kohë kot që lidhet me nevojën për të miratuar së bashku rregullat e lojës”, tha kreu i grupit të PS.
Promo
Reklamo këtuLufta Prigozhin - Putin
Më shumëZeqiri reagon pas shkarkimit: “Puç” i përgatitur prej kohësh
Babai i Hashim Thaçit flet pas takimit me djalin në Hagë
Thaçit i shkojnë për vizitë në Hagë prindërit e tij
Forca Detare shqiptare dërgon anijen e dytë në operacionet e NATO-s
Qëlloi me armë të bijën dhe më pas vrau veten, si ndodhi ngjarja e rëndë në Lushnjë
Shkarkohet kryetari i sindikatës së Policisë së Kosovës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gjithçka çfarë ndodhi në meçin e shekullit mes Oleksandr Usyk dhe Tyson Fuyt, ku ukrainasi u shpall kampion i padiskutueshëm
Gjithçka gati - Fury dhe Usyk futen në ring
Oleksandr Usyk shpallet kampion i padiskutueshëm i peshave të rënda në boks
"Unë nuk do të ulem këtu të qaj dhe të kërkoj justifikime" - Tyson Fury flet pas humbjes
Arratisja e Enver Sekiraqes, flet avokatja e tij
Arratiset Enver Sekiraqa, policia ka informuar të gjitha vendkalimet kufitare