Mamaja tregon fjalët e fundit të djalit të saj, 15 vjeç – i cili vrau veten pas ‘ngacmimit të pamëshirshëm dhe të vazhdueshëm’ në shkollë

Një djalë adoleshentë që u ngacmua “gjatë gjithë jetës së tij” vrau veten pasi ndjeu se nuk ishte në gjendje t’i shpëtonte vuajtjeve.

Sipas mediave të huaja, përcjell Telegrafi, Simon Brooks, 15 vjeç, ndërroi mendje se dëshironte të vdiste pasi mori një koktej pilulash që gjeti në shtëpi në jug të Uellsit, por ishte shumë vonë.

Fjalët e tij të fundit për nënën e tij ishin: “Mama … a do të vdes?”

Dhe ka qenë mamaja e tij Julie Steward që ka rrëfyer tashmë tragjedinë, si thirrje për ligje të reja për t’u siguruar që ngacmimi nuk mund të injorohet kurrë në shkolla.

Ajo tha: ‘Simon u ngacmua për tërë jetën. Ai ishte një karakter i zjarrtë, por ai gjithashtu ishte i ndjeshëm dhe nuk i kuptonte gjithmonë situatat sociale’.

Julie ka bërë të ditur se ngacmimi i Simon filloi në shkollën fillore kur fëmijët e tjerë do ta vidhnin çantën e tij – por përparoi në dhunë fizike kur filloi shkollën e mesme.

Julie zbuloi se Simon kishte marrë një dozë të tepruar në 28 mars 2014, kur ajo u kthye në shtëpi për të gjetur një ambulancë jashtë shtëpisë në Tonyrefail, Rhondda Cynon Taff.

Ai i kishte thënë një shoku atë që kishte bërë me anë të një mesazhi me tekst, i cili kishte alarmuar policinë.

Lexo po ashtu E dhimbshme: Vogëlushi kërkon nga nëna e tij t’i japë litarin, për të vrarë veten – pas ngacmimeve në shkollë

Simoni u dërgua në Spitalin Royal Glamorgan nga ambulanca rreth orës 6:00 të pasdites, më 28 mars.

Më pas ai u transferua në Spitalin Universitar të Cardiff të Uellsit më 30 mars, ku u pranua në njësinë e kujdesit intensiv.

Zonja Steward rrëfen që Simoni ishte shtrirë në shtratin e tij në spital kur i tha asaj që nuk dëshiron të vdiste.

Lexo po ashtu Bulizmi i pranishëm në të gjitha nivelet e sistemit arsimor në Kosovë

‘Ai nuk donte të vriste veten’, tha ajo. ‘Ai po më thoshte që ishte keq dhe që dëshironte të mos e kishte bërë atë dhe se ai ishte budalla. Por në këtë pikë, unë ende mendova se do të ishte në rregull – derisa kur shkuam në spitalin Heath që kuptova se sa serioze ishte situata”.

‘Një infermiere hyri në dhomë dhe u shqetësua që nivelet e tij të hemoglobinës ishin aq të ulëta dhe atëherë gjithçka ndodhi shumë shpejt’.

Simoni u transferua në kujdesin intensiv dhe u fut në gjendje kome të induktuar, por ai vdiq dy ditë më vonë. /Telegrafi/