Në vitin 1970 e kishte blerë për 400 dollarë, amerikani rrëzohet në tokë nga gëzimi kur e kupton se ora e tij Rolex tani vlenë 700 mijë dollarë

Një veteran i forcave ajrore amerikane për pak sa nuk humbi vetëdijen gjatë një emisioni televiziv që transmetohej live, që ka të bëjë më gjësende të vjetra.

E gjitha ndodhi kur e kuptoi se ora e tij Rolex të cilën e kishte blerë shumë vite më parë dhe nuk e kishte bartur kurrë, tani ka një vlerë prej 700 mijë dollarëve, transmeton Telegrafi.

Veterani i paemëruar amerikan mbeti i habitur kur e kuptoi se Rolexin që e kishte blerë për 400 dollarë në vitin 1970, tani ka një vlerë shumë më të madhe.

Eksperti i orëve të vjetra i tha veteranit se ora e tij mund të vlejë nga 500 deri në 700 mijë dollarë.

Me të dëgjuar çfarë i tha eksperti, ai u rrëzua në tokë nga emocionet duke ngritur duart dhe këmbët në ajër nga gëzimi.

“Shpresoj që nuk po tallesh me mua. E pabesueshme”, tha ky burrë i cili mezi arriti të ngritet në këmbë nga emocionet.

“Në këtë gjendje, nuk mendoj se ka më të mirë në botë. Të falënderoj që më solle një nga orët më të bukura në emisionin tim”, shtoi eksperti i gjësendeve të vjetra. /Telegrafi/