Aktakuzë për kujdestaren që rrahu fëmijën në Aerodrom të Shkupit

Prokuroria Themelore Publike parashtroi aktakuzë për maltretim të fëmijës kujdestares që u incizua nga kamerat e sigurisë të një objekti në Aerodrom të Shkupit se si rreh fëmijën t.

Nga Prokuroria kanë kërkuar edhe vazhdim të paraburgimit, masë që kjo më herë u shqiptua, njofton Telegrafi Maqedoni.

“Prokuroria Themelore Publike Shkup parashtroi aktakuzë kundër një personi për veprën penale – neglizhim dhe maltretim të fëmijës nga neni 201 nga Kodi Penal”, shprehen nga Prokuroria.

Sipas njoftimit të Prokurorisë, e akuzuara si kujdestare në një objekt për lojëra fëmijësh ka maltretuar fëmijën dy vjeçare përderisa prindërit kanë qenë në punë. Ajo disa herë ka goditur fëmijën me shuplaka dhe se nga maltretimi fëmija ka marrë lëndime trupore.

Nga Prokuroria theksojnë se duke marrë parasysh rrezikshmërinë për arratisje, si dhe mundësi të përsërisë veprën, Prokurori Publik në Gjykatën Penale të Shkupit i ka dorëzuar propozim për vazhdimin e masës së shqiptuar më herët./Telegrafi/