Dorëzohet kallëzim penal ndaj ish-kryetarit të Manastirit, Vlladimir Taleski
Komuna e Manastirit parashtroi padi penale kundër ish-kryetarit të komunës Vladimir Taleski, për shkak të keqpërdorimit të detyrës zyrtare për miratimin e një akti të legalizimit të shtëpisë malore “Kopanik” e cila sipas pushtetit është e kundërligjshme.
Në konferencë për media në Komunën e Manastirit, kryetarja e komunës Natasha Petrovska kumtoi se padi penale është parashtruar edhe kundër personave tjerë dhe pret zgjidhje më të shpejtë të procesit gjyqësor.
“Komuna e Manastirit parashtroi padi penale kundër ish kryetarit të Komunës së Manastirit dhe personave të tjerë për shkak keqpërdorimit të detyrës zyrtare, funksionit apo pozitës nga i cili është miratuar ai akt i cili ligjërisht është i pa bazë, ndërsa ndërlidhet me legalizimin e shtëpisë malore ‘Kopanik’. Pres që institucionet nga gjyqësori të mundësojnë zgjidhje më të mirë të kësaj lënde, sepse bëhet fjalë për objekt me rëndësi të jashtëzakonshme për komunën”, gjegjësisht për qytetarët e Komunës së Manastirit, deklaroi Petrovska.
Ajo shtoi se gjithashtu është sjellë vendim për anulimin e legalizimit, gjegjësisht dokumentit me të cilin ai është mundësuar.
“Lus që gjyqësia më shpejtë t’i zgjidh të gjitha kontestet gjyqësore të cilat kanë filluar para shumë kohësh, ndërsa deri sot nuk janë zbardhur sepse dalja e së drejtës në pah është në interes të gjithë qytetarëve”, tha Petrovska.
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251