Bie kufoma në mes të një rruge të frekuentuar të Buenos Aires, punonjësi i kompanisë së shërbimeve funerale rikthehet për ta marrë

Një kufomë e mbështjellë në një qese të madhe të najlonit është filmuar duke qëndruar në mes të një rruge tejet të frekuentuar në kryeqytetin e Argjentinës, Buenos Aires, pasi gjatë transportimit kishte rënë nga vetura.

Videoja është filmuar në lagjen San Antonio de Padua të Buenos Airesit, ku shihet se si veturat kalojnë pranë kufomës që ishte në rrugë, dhe në një moment rikthehet vetura për ta marrë pasi shoferi e kishte kuptuar se i kishte rënë, transmeton Telegrafi.

Megjithatë ajo çfarë është e pakuptimtë janë disa të rinj që prapa kamerës dëgjohen duke qeshur me këtë ngjarjes. E me të parë se çfarë kishte ndodhur, një zyrtar policor vrapon për ta ndihmuar punonjësin e kompanisë që kryen shërbime funerale për ta future kufomën në veturë.

Kujtojmë që banorët e kësaj lagje vazhdimisht janë ankuar për gjendjen e mjerueshme të rrugëve, ndërsa ende nuk dihet saktë nëse ndonjë gropë ishte shkaktare që kufoma të ketë rënë në asfalt nga presioni i goditjes. /Telegrafi/