Me veturë zyrtare kalon fundjavën në Golem

Siç duket zyrtarëve shtetërorë, nuk iu bëjnë përshtypje raportimet e shpeshta për keqpërdorime të veturave zyrtare, pasi vazhdojnë t’i përdorin ato, edhe jashtë orarit të punës.

Këtë fundjavë (të shtunën), një punonjës publik përdor veturën zyrtare për të kaluar pushimet në bregdetin shqiptar.

Një lexues i Telegafit, ka dërguar fotografi të veturës zyrtare me targa 3Z 178 12.

Ai ka thënë se vetura është fotografuar në parking të një hoteli në Golem të shtunën.

Më herët, ishte marrë një vendim që mos të përdoren veturat zyrtare jashtë orarit të punës, megjithatë përdorimi i veturave zyrtare për nevoja personale të punonjësve të institucioneve të Kosovës mbetet në nivel të lartë.

Gjithashtu në muajin maj të këtij viti, qeveria ka marrë vendim që veturat zyrtare të përdorën vetëm për kryerjen e detyrave zyrtare.

Fjala është për udhëtime jashtë vendit.

Haradinaj ka thënë se Policia e Kosovës autorizohet që te kontrollojë shoferët dhe të ju kërkoj shoferëve autorizimin zyrtarë me veturën që janë duke udhëtuar.