Vedat Gashi nga Kosova zgjidhet ligjvënës në Amerikë

Avokati kosovar, Vedat Gashi është zgjedhur ligjvënës i qarkut në Westchester.

Gashi iu ka premtuar qytetarëve se ai do të zgjohet që të rregullojë jetesën e familjeve që jetojnë në Yorktown.

Ai ka qenë i angazhuar në Qeverinë e Kosovës gjatë vitit 2004-2007 si këshilltar duke qenë pjesë e parapërgatitjeve për procesin e negociatave të Vjenës, që si rezultat sollën Pavarësinë e Kosovës, me Planin e Marti Ahtisaarit.

Për një kohë Gashi ka vepruar si këshilltar i Lutfi Hazirit atëherë zëvendës kryeministër i Kosovës, në Qeverinë Haradinaj, Kosumi dhe Çeku.

Lexo po ashtu Shqiptarja Buta Biberaj, zgjidhet prokurore në SHBA

Gashi është një avokat nga Kosova me banim në në Yorktown të New Yorkut. Ai prej vitesh jeton me gruan dhe fëmijët e tij në Shtetet e Bashkuara të Amerikës, ku njihet si kontribues dhe lobist i madh i çështjes kombëtare në Amerikë.

Ndryshe, Gashi nuk është shqiptari i parë që fiton në zgjedhjet nacionale në Amerikë.

Ambasadorja e Kosovës në Amerikë, Vlora Çitaku, përmes Twitterit ka thënë se, janë tre shqiptarë që tashmë e kanë konfirmuar fitoren në garat e tyre.

“Përgëzime për komunitetin shqiptaro-amerikan. Tej mase krenare që në zgjedhjet e djeshme lokale ne SHBA, 3 shqiptaro-amerikan tashmë e kanë konfirmuar fitoren në garat e tyre”, ka shkruar Çitaku.