Sherifi tregon për rezultatet e NISMA-s në zgjedhje, thotë se duhet të pritet rinumërimi edhe i 530 vendvotimeve

Sekretari i përgjithshëm i NISMA Socialdemokrate Bilall Sherifi  ka bërë të ditur se kjo parti ka arritur në 5.05 për qind, pas rinumërimit të 314 kutive të votimit.

Sherifi përmes një postimi në llogarinë e tij në Facebook ka shkruar se duhet të shohin se çka do të sjellë rinumërimi i 530 kutive, të cilat sipas tij në rinumërim kanë shkuar pikërisht për shkak të mospërputhjes të votave të partive me ato të kandidatëve.

“Rezultati nga të dhënat preliminare për 314 kuti të cilat janë të pasqyruara në sistemin K-Votes dhe të dhënat nga rinumërimi i po këtyre 314 kutive është ky: Në K-Votes në këto 314 kuti Nisma ka pasur 5.01%, nga rinumërimi i këtyre kutive rezultati është rritur në 5.05%. Dhe, mbani shënim: kjo rritje për NISMËN vjen vetëm nga 314 kutitë të cilat janë rinumëruar për shkak të formularëve me gabime për bartjen e të dhënave dhe jo për shkak të mospërputhjes të votave të kandidatëve me votat e partive! Le të shohim se çka do të na sjell rinumërimi i 530 kutive të cilat në rimumërim kanë shkuar pikërisht për shkak të mospërputhjes të votave të partive me ato të kandidatëve”, ka shkruar ai./Telegrafi/