“Më lini të dal, është errësirë këtu!”: Pjesëmarrësit në një funeral në Irlandë nuk mund t’i mbajnë të qeshurat, kur një zë vjen nga arkivoli

Pjesëmarrësit e një funerali në Irlandë nuk mund ta besonin kur dëgjuan një zë përtej varrit në funeralin e një burri vendas.

Ata që morën pjesë në varrosjen e veteranit të Forcës së Mbrojtjes Irlandeze, Shay Bradley, të shtunën në Kilmanagh, Leinster, nuk mund ta besonin kur një zë filloi të dilte nga arkivoli i tij, përcjell Telegrafi.

Ndërsa vëzhguan arkivolin e tij duke u varrosur, zëri i tij mund të dëgjohej duke bërtitur: “Hey, Hey, Më lini të dal”.

Ndërsa regjistrimi ngjante me një tingull sikur po trokiste arkivolin, ai vazhdoi: “Ku jam këtu? Më lini të dalë, më lini të dalë. Është errësirë këtu. A është ai prifti që po e dëgjoj?…”.

Shay më vonë fillon të këndojë duke thënë: “Përshëndetje përsëri përshëndetje, vetëm desha tu them lamtumirë”.

Pjesëmarrësin nuk mund të mbanin të qeshurat ndërsa ndërsa Shay, i cili vdiq më 8 tetor pas një sëmundje të gjatë, kishte të qeshurën e fundit duke thënë lamtumirën e tij të fundit.

Vajza e Sha,y Andrea shpjegoi se mesazhi ishte regjistruar para se Shay të vdiste dhe dilte përmes një pajisje zëri në tokë.

Ajo kishte shkruar në Twitter: “Ai donte të dinte se sa njerëz i bëri të qeshin!!! Ai ishte një personazh i mahnitshëm”. /Telegrafi/