“Nuk është faji im” dhe gjërat tjera që personat toksikë i bëjnë

Negativiteti kronik mund t’ju vret dhe kjo është dëshmuar edhe shkencërisht.

Personat që sjellin negativitet mund t’jua shkatërrojnë jetën, transmeton Telegrafi.

Me siguri se secili prej jush keni një koleg ose shok/shoqe toksik që gjithmonë jua thithë energjinë.

Nëse veç e keni vështirë t’i identifikoni personat e tillë, atëherë më poshtë ju sjellim disa prej gjërave të cilat vetëm personat toksikë i bëjnë dhe që duhet t’ju shërbejnë si shenja për t’u larguar nga ta.

Manipulimi dhe kontrolli

Njerëzit toksikë manipulues nuk janë të interesuar në ju apo në ndjenjat që i keni.

Ata thjesht e përdorin këtë “armë” për t’ju kontrolluar në mënyrë që të bëheni pjesë e planeve të tyre.

Manipuluesit zakonisht e ndryshojnë kuptimin e asaj çfarë keni thënë, ju bëjnë të ndiheni si të çmendur, e luajnë viktimën, etj.

Mos kërkimi i faljes

Pavarësisht çfarë bën një person toksik, sipas tij/saj asnjëherë nuk e ka fajin. Është vështirë të ballafaqoheni me personat toksikë për këtë gjë.

Zakonisht personat toksikë fillojnë të fjalosen dhe mundohen ta mbrojnë vetveten në vend se të kërkojnë falje.

Nuk e pranojnë fjalën “jo” si përgjigje

Personat toksikë në plot kuptimin e fjalës ju bëjnë të frikësoheni për të thënë “jo”. Nëse ju pyesin diçka dhe refuzoni, ata fillojnë t’ju manipulojnë për ta marrë përgjigjen që e dëshirojnë. /Telegrafi/