Pse na fryhet gjoksi shumë gjatë periodave?

Vajza, le ta pranojmë të gjitha tani: do të ishte ideale sikur cikli menstrual të na krijonte probleme vetëm në zonën e legenit! Do ishte mrekulli, në fakt, por nuk ndodh kështu!

Hormonet femërore fillojnë të “tërbohen” sidomos gjatë këtyre ditëve të muajit, që gratë nuk i duan fare.

Para ciklit gjoksi është krejtësisht normal. Ndërsa, përgjatë ditëve të periodave gjoksi dyfishohet në madhësi, ju lëndon dhe ju thjesht nuk mund ta duroni atë.

Pas ovulacionit, i cili ndodh pak a shumë rreth mesit të ciklit ose dy javë pas menstruacioneve, nivelet e hormonit të quajtur progesteron fillojnë të rriten.

Dr. Rebecca Brightman, gjinekologe dhe obstetre e njohur, tregon se një nga simptomat e pakëndshme të rritjes së niveleve të progresteronit është zgjerimi i kanaleve që gjenden në gji.

Progresteroni mund të shkaktojë gjithashtu mbajtjen e ujit, këshillon Class. Prandaj, midis zgjerimit të kanaleve dhe mbajtjes së ujit është normale që gjoksi të jetë më i rëndë dhe më i dhimbshëm.

Gjatë periodave, ju mund të ndjeni parehati në gjoks, ënjtje dhe të gjitha këto ndryshime dhe ndjesi janë normale.

Doktoreshë Brightman thotë se për shumë gra, mbajtja e jelekëve gjatë këtyre ditëve të muajit mund të jetë një burim lehtësie.

Lënia e gjinjve të lirë plotësisht mund të shkaktojë më shumë dhimbje. Me pak fjalë, më mirë të shmangni heqjen e jelekëve gjatë ciklit.

Për disa gra është efektive që të zvogëlohet doza e kafeinës gjatë ditëve të ciklit menstrual, ndërsa për të tjerat duhet shtim i bazës së vitaminave E dhe B6.

Duhet të kuptoni çfarë i bën mirë trupit tuaj gjatë këtyre ditëve që edhe ju të mund t’i kaloni sa më lehtë periodat tuaja! /Telegrafi/