Legjenda e Rangers, Fernando Ricksen ka ndërruar jetë në moshën 43 vjeçare pas një sëmundje të rëndë

Fernando Ricksen, mesfushori holandez, legjendë e Rangers  ka humbur luftën gjashtë vjeçare me sëmundjen e rëndë të quajtur MND.

Ka qenë klubi i Rangers, që e ka publikuar lajmin për vdekjen Ricksen të mërkurën.

“Rangers janë thellë të mërzitur për lajmin që po e japim, ku ish lojtar ynë Fernando Ricksen ka ndërruar jetë pas luftës me sëmundjen e neuroneve (prek trurin dhe nervat”, thuhet deklaratën e Rangers.

Rangers is deeply saddened to announce that former player Fernando Ricksen passed away this morning following his battle with motor neurone disease.

— Rangers Football Club (@RangersFC) September 18, 2019

Më herët këtë vit, Ricksen e ka festuar ditëlindjen e 43-të, me familjen e tij që e kishin zbukuruar dhomën e tij në spital me banera dhe balona .

Gruaja e tij Veronika, kishte shpërndarë një video në Instagram duke tregua festën e kësaj dite speciale.

Në qershor, Ricksen u kthye për herë të fundit në stadium ku u përshëndet nga mijëra fansa të klubit.

Ai luaji për gjashtë vite te Rangers, pasi u bashkua në vitin 2000 nga AZ Alkmaar.

Ricksen ka luajtur edhe për Zenit dhe Fortuna Sittard në fillet e tij. /Telegrafi/