Policia, zjarrfikësit dhe ambulanca ndezën sirenat dhe dritat e mjeteve të tyre, ndërsa Garda e Nderit e Policisë së Kosovës uli në gjysmë shtizë flamurin amerikan. Krejt kjo në kuadër të aktiviteteve të Shoqatës “Miqtë e Amerikës”, në shenjë nderimi për viktimat e sulmit terrorist të 11 shtatorit 2001 në SHBA.
Kryetari i Shoqatës “Miqtë e Amerikës”, Agim Rexhepi, tha se në vitin 2001, Kosova i kishte ende varret e hapura nga lufta në Kosovë, kur më 11 shtator përjetuan edhe ngjarjen e rëndë në Amerikë, e cila u përcoll me lot në Kosovë.
Duke përkujtuar se në kohët më të vështira të Kosova ka pasur një aleate të fuqishme si Amerika, Rexhepi tha se kjo e fundit do të jetë përjetësisht aleate e SHBA-së.
“Populli i Kosovës, në veçanti populli shqiptar, ka ditë të veprojë konkretisht, për t’i treguar popullit amerikan që ne jemi ai popull që e kemi merituar të intervenohet për ne atëherë kur kemi pasur miq. Ne jemi të vetëdijshëm që atëherë kur intervenoi Amerika me aleatë, ne ishim para zhbërjes. Faleminderit Amerikë! Ta dinë populli amerikan dhe institucionet amerikane, qytetarët amerikanë, se në veçanti populli shqiptar është falënderues dhe do të na keni aleat jo vetëm sot, por përjetë e mot”, tha Rexhepi.
Menaxherja kryesore e ICITAP-it për Kosovë, Cimberly Wright, përmes një fjalimi përkujtoi edhe një herë ngjarjen e 11 shtatorit. Ajo kujtoi edhe kolegët e saj të cilët kishin humbur jetën po këtë ditë në krye të detyrës.
“Asnjë homazh nuk mund t’i përshkruajë heronjtë tanë më mirë se akti i tyre i trimërisë që e shfaqën kur ata i asistuan bashkëqytetarët e tyre. Sot, ne ju themi faleminderit nga thellësia e zemrës të gjithë atyre që vepruan shpejt dhe të dashurve të tyre, lutjet tona janë me ju. Prindërit, motrat, kolegët e juaj ishin heronj të vërtetë”, tha ajo.
I pranishëm në shënimin e 18-vjetorit të sulmit ndaj Kullave binjake në SHBA, ishte edhe kryetari i Shoqatës “Lushnja” të Shqipërisë, Durim Meta. Ai tha se kombi shqiptar është një – si ata që jetojnë në Kosovë ashtu edhe ata në Shqipëri- ku për këtë ai pati një ftesë që vitin e ardhshëm kjo ditë të shënohet në Lushnjë.
“Kombi shqiptar është një, pavarësisht se a jemi në Kosovë apo në Shqipëri. Dhembja që populli amerikan kaloi, është edhe dhembja e popullit shqiptar. Kombi shqiptar në ditët e tij më të vështira ka pasur një aleat serioz dhe besnik, si SHBA-në. Kjo përkujtimore që ne bëjmë sot, është një rast për të treguar që miqtë tanë do të qëndrojnë me Amerikën. Faleminderit Amerikë që ndihmuat kombin shqiptar… Kjo përkujtimore, unë do të sugjeroja që vitin e ardhshëm të mbahet në Shqipëri, në Lushnjë, ku është mbledhur Kongresi që hodhi bazat e shtetit shqiptar”, tha ai.
Në kuadër të aktiviteteve të sotme në bulevardin “Bill Clinton” janë vendosur edhe fotografi. E në përmbyllje të aktiviteteve, u ndezën qirinj para emrave dhe fotografive të viktimave.
Ndryshe, ky organizim u bë në bashkëpunim me Komunën e Fushë Kosovës, me Policinë e Kosovës dhe Qendrat Emergjente të Kosovës. /KP/Telegrafi/
Promo
Reklamo këtuLufta Prigozhin - Putin
Më shumëPolicia e Kosovës gjen kamera në rrugët malore në kufirin Kosovë-Serbi
Tragjedia në Shkodër, prokuroria zbulon mesazhet ofenduese dhe tradhtinë në celularin e bashkëshortit të Alma Arrazit
FSK trajnohet për automjetet luftarake Vuran
Pas tre fëmijëve, gjendet edhe trupi i pajetë i Alma Arrazit në ujërat e Bunës
Mbi 1 milion qytetarë të regjistruar deri më tani në Kosovë
Gjendet trupi i fëmijës së tretë të mbytur në Lumin Bunë, vazhdojnë kërkimet për Alma Arrazin
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"Dhëmbët, flokët e veshët" - Gani Gërmia me ndryshime drastike në pamje
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Blero flet për takimin me Afronën: Kur e pashë atë duke qarë, më doli loti - edhe burrat qajnë
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Tre sulmuesit që Xavi i do për të përforcuar sulmin e Barcelonës këtë verë
Luiz Ejlli thyen heshtjen, flet për padrejtësitë në Big Brother: Më përdorën familjen, por çmimin e madh e fitova në momentin që më tha Kiara 'PO'