Aleanca Kosovare e Bizneseve ka mbajtur sot një takim pune me përfaqësues të sektorit të ndërtuesve dhe prodhuesve të materialit ndërtimor ku diskutuan për pengesat dhe sfidat të cilat ky sektor po ballafaqohet në Kosovë.
Sipas njoftimit për media, Agim Shahini, kryetar i AKB-ës tha se sektori i Ndërtimtarisë në Kosovë është një nga sektorët me të zhvilluar ku ne BPV merr pjesë me 8%, kurse në Punësim rreth 13% dhe me një kosto të pagës mesatare mujore rreth 390 €.
Sipas tij ky sektor po ballafaqohet me probleme të natyrave të ndryshme siç janë leja e ndërtimit, pranimit dhe legalizimit e që për të gjitha këto ka burokraci evidente e që kjo po prodhon edhe Korrupsion.
“Riaktivizimi i sektorit të sektorit të ndërtuesve dhe prodhuesve të materialit ndërtimor në kuadër të AKB është si kërkesë imediate nga shumë biznese dhe për këtë ne jemi të gatshëm të ndihmojmë këtë sektor i cili premton zhvillim dhe punësim të qëndrueshëm duke ndal hovin e ikjeve të të rinjëve nga vendi”, ka thënë Shahini.
Brahim Selimaj, kryesues i sektorit të Ndërtuesve dhe Prodhuesve të materialit Ndërtimor në kuadër të AKB-së tha se si ndërtues, prodhues dhe shërbyes të Kosovës ballafaqohen me shumë probleme.
“Ballafaqohemi me probleme siç është kyçja në infrastrukturë, shërbimet publike si: energjia elektrike, kanalizimi, ujësjellësi, mbeturinat dhe marrja e lejeve për ndërtim, legalizim, teknik dhe të gjitha këto e pamundësojnë investitorin që të ja bartë pronën blerësit por edhe të jep si hipoteke në bankat komerciale”, ka thënë ai.
Sefedin Gashi, pronar i kompanisë së ndërtimit ‘FIJONA’ tha se nga muaji Mars 2018 ballafaqohet me probleme të energjisë elektrike.
“Kam paguar të gjitha obligimet dhe Trafon mbi 50 mijë euro dhe në mungesë të dëshirës të KEDS-it unë jam detyruar të përdor gjeneratorin për të cilën shpenzoj më shumë se 100 euro në ditë”, ka thënë ai.
Kurse Zelqif Berisha, pronar i fabrikës ‘SILCAPOR’ për prodhimin e bllokave, tha se problemi me KEDS- është permanent.
“Edhe pse ne si Fabrikë jemi ne kategorinë A+ pa paralajmërim kam ndërprerje të energjisë elektrike, ku humbje ne start kam 8- 10 mijë euro vetëm në një ndërprerje të energjisë elektrike”, ka theksuar ai.
Ndërsa sipas Blerim Uka, nga kompania ADK, përkundër pagesës së taksave, ata duhet të paguajnë prap kyçje ne infrastrukturë dhe kjo merr kohë dhe shpenzim shtesë ku Ligji për Ndërtim në Kosovë i ka te rregulluara.
Në anën tjetër, Nezir Osmanaj, nga kompania ‘Osmanaj ING’ theksoi se ka mungesë të vullnetit dhe zvarritje të vendimeve nga ana e komunave të Kosovës të lëshuara nga MPHK te shkallës së dytë të cilat nuk i zbatojnë.
Në njoftim thuhet se të gjithë u pajtuan se problemet janë të mëdha dhe këto duhet të adresohen në institucionet lokale dhe qendrore./Telegrafi/
Promo
Reklamo këtuLufta Prigozhin - Putin
Më shumëFranca është magnet për investitorët e huaj - cilat reforma i bëri për t'i lënë pas Gjermaninë e Britaninë?
Policia me apel për qytetarët: Kujdes nga mashtrimi përmes investimeve të dyshuara online
Hypi kerrit e nisu për n’Grand Blue Fafa këtë vikend
Qysh bohet kerri i vogël, kerr i ri!
Bëhu banor i kryeveprës së Prizrenit - Grand Residence
Me çka e shijon bukën ma s'shumti edhe pse bash me sugjukun Meka?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City