Nga përleshja me armë plagoset bejsbollisti i Minnesotas, David Ortiz

Një video është publikuar që tregon momentin e plagosjes së bejsbollistit David Ortiz në Republikën Dominikane mbrëmjen e kaluar.

Ylli i Minnesotas, nofka e të cilit është Big Papi, kishte dalë mbrëmjen e kaluar në një klub nate me shokë, por në një moment kishin filluar të shtëna me armë.

Fillimisht u raportua se bejsbollisti ishte plagosur në këmbë, por më pastaj u bë e ditur se ai është plagosur në shpinë, me plumbin që i depërtoi në stomak.

🚨🚨 Here is the video of David Ortiz being shot. Prayers up🙏
pic.twitter.com/iHzQNzv6MU

— Burgers & Brats (@BurgersBrats) June 10, 2019

Ndihma e shpejtë erdhi në vendin e ngjarjes, duke e dërguar Ortizin me urgjencë në spital, ndërsa mësohet se bejsbollisti u ka thënë mjekëve: “Ju lutem mos më lini të vdes, jam njeri i mirë”.

Qendra spitalore në Republikën Dominikane lëshoi njoftim se ata kanë nevojë urgjente për gjak të grupit B+, për ta shpëtuar jetën e Ortiz.

Por, autoritetet dominikane kanë njoftuar se gjendja e bejsbollistit tani është stabile dhe jashtë rrezikut për jetë, ndërsa po hetohen rrethanat se çfarë shtyu që të ndodhte përleshja me armë. /Telegrafi/

David Ortiz was shot in the leg. The shooter is in custody. pic.twitter.com/f3vZHO7QVt

— Luke R. (@wickedsportsfan) June 10, 2019