Më shumë se 176 milionë kopje të Minecraft të shitura globalisht

Të thuhet se Minecraft ka arritur sukses do të ishte një nënvlerësim. Është një titull jashtëzakonisht i famshëm, duke shitur një numër të madh kopjesh në të gjithë globin.

Microsoft tani ka publikuar shifrat më të fundit të shitjeve për lojën. Më shumë se 176 milionë kopje të Minecraft janë shitur në të gjithë globin, sipas Microsoft.

Ky është një kërcim shumë mbresëlënës mbi shifrat që u paraqitën vetëm shtatë muaj më parë.

Microsoft kishte konfirmuar në atë kohë se kishte shitur 156 milionë kopje të lojës në nivel global.

Një pjesë e arsyes pse Minecraft ka vazhduar të marrë interesin e konsumatorëve është për shkak të përditësimeve dhe përmirësimeve që Microsoft ka nxjerrë në pah.

Ka pasur një version pa pagesë të lojës, një version në internet, dhe tani edhe një version i realitetit të shtuar që quhet Minecraft Earth.

Kompania gjithashtu zbuloi se më shumë se 200 milionë përdorues të regjistruar janë grumbulluar për edicionin e Kinës, ndërkohë që janë përfunduar më shumë se 130 milionë orë nga Minecraft Hour of Code. /Telegrafi/