Halk Bank me çmim të rëndësishëm në zhvillimin e sipërmarrësisë në Evropë qendrore dhe Juglindore

Në prezencë të përfaqësuesve të lartë shtetërorë, me përfaqësues të rëndësishëm të biznes-sektorit në vend, si edhe klientë dhe bashkëpunëtorë të afërt të Halkbank, sot u mbajt një solemnitet në të cilin Halkbank SHA Shkup e fitoi mirënjohjen prestigjioze për kontributin në zhvillimin e sipërmarrësisë në Evropën e Mesme dhe Juglindore “Kreatorë të shekullit”, për vitin 2018.

Mirënjohjen e ndajnë Forumi Ndërkombëtar Ekonomik “Perspektiva” dhe Komiteti Ndërkombëtar për ndarjen e çmimeve dhe mirënjohjeve “Kreatorë të shekullit”, nga Kroacia, në kuadër të Samitit rajonal të sipërmarrësve nga Evropa e Mesme dhe Juglindore “300 më të mirët”, që sivjet u mbajt prej më 22 deri 24 mars të vitit 2019 në Dubrovnik, Kroaci.

Në kuadër të Samitit “300 më të mirët”, çmimet dhe mirënjohjet prestigjioze “Kreatorë të shekullit”, ju ndanë më shumë individëve, kompanive, institucioneve shkencore – arsimore, bashkësive lokale dhe rajonale, organizatave joqeveritare, mediumeve dhe të gjithë atyre që kanë kontribuar me punë të përkushtuar dhe kreative për zhvillimin e sipërmarrësisë, a me vetë këtë edhe për zhvillimin e gjithë bashkësisë në të cilën jetojmë dhe krijojmë.

Konkretisht, çmimin dhe mirënjohjen që e fiton Halkbank SHA Shkup është për kontributin në zhvillimin e sipërmarrësisë në Evropën e Mesme dhe Juglindore, a në fakt u ndahet atyre sipërmarrësve, menaxherëve dhe personave tjerë, organizatave dhe institucioneve që sidomos kanë kontribuuar dhe kontribuojnë për zhvillimin e sipërmarrësisë në Evropën e Mesme dhe Juglindore.

„Me të vërtetë është nder të pranohet kjo mirënjohje prestigjioze, veçanërisht që në raport me vitin e kaluar jemi me të vërtetë të kënaqur nga arritjet marramendëse të kompanisë tonë, edhe atë jo vetëm prej suksesit tonë financiar, por edhe prej suksesit me të cilin siguruam shërbim të shkëlqyer ndaj klientëve tanë dhe ndaj bashkësisë në të cilën bëjmë pjesë. Jemi veçanërisht krenarë që sipas hulumtimeve oficiale të tregut financiar për vitin 2018, klientët e ranguan bankën tonë ndër ato me cilësinë më të mirë të shërbimeve, ndërsa viti 2018 ishte edhe një vit rekordmbajtës edhe në raport me rezultatet, i cili përfundoi me rritje prej 20,5% dhe me arritje të profitit prej 10,6 milionë euro. Gjithë këto janë indikatorë se Banka ngjitet në mënyrë të fortë dhe stabile në tregun financiar në vend, së këndejmi, kisha dashur të theksoj se çmimi për kontributin në zhvillimin e sipërmarrësisë është meritë e të gjithë të punësuarve tanë të cilët punuan me përkushtim në përmbushjen e qëllimeve të kompanisë, deklaroi D-r Bilal Suxhubashi, drejtori ekzekutiv kryesor i Halkbank SHA Shkup.

Çmimet i ndanë mysafirët e nderit, prof. d-r sc. Sinisha Zariq, kryetar i Komitetit Ndërkombëtar të “Kreatorë të shekullit” dhe z. Vinko Quro, kryetar i Këshillit Drejtues të FNE “Perspektiva”, që në eveniment e paralajmëruan edhe Kongresin botëror të sipërmarrësve Maqedonia Veriore 2019, i cili këtë vit do të mbahet në Shkup në tetor.

„Marrja e vendimit për zgjedhjen e laureatëve nuk është proces aspak i lehtë dhe këtë vendim e merr Komiteti Ndërkombëtar i pavarur për ndarjen e çmimeve dhe mirënjohjeve “Kreatorë të shekullit”. Prej gjithsej 411 kandidatëve, Halkbank SHA Shkup është në fakt një nga 56 kompanitë dhe individët e shpërblyer nga gjashtë vende, që është një arritje e jashtëzakonshme, dhe dua që sinqerisht tu uroj për suksesin e arritur dhe për meritën e tyre në zhvillimin e sipërmarrësisë në Evropën Qendrore dhe Juglindore”, deklaroi prof. d-r sc. Sinisha Zariq, kryetar i Komitetit Ndërkombëtar të “Kreatorë të shekullit”.

„Këtë vit mirënjohjet i ndajmë për të pestën herë individëve të denjë dhe kompanive që me përkushtimin e vet, me njohuritë, kreativitetin, marrëdhëniet me bashkësinë dhe rezultatet e dukshme, kontribuojnë në zhvillimin e sipërmarrësisë dhe me këtë edhe në gjithë shoqërinë. Duam që publikisht ta nderojmë edhe Halkbank, për arsye se është një ndër motorët kryesorë të progresit në bashkësinë në të cilën vepron, por edhe një nga kreatorët e sfidave zhvillimore për kohën e re”, tha z. Vinko Quro, kryetari i Këshillit Drejtues të FNE “Perspektiva”.

Njëkohësisht në eveniment u ndanë mirënjohjet “Kreatorë të shekullit” edhe kompanive ADING, Adora Inzhinering dhe SHA Kiro Dandaro, ndërsa të gjithë fituesve me fjalë të shkurtër ua uroi edhe doc. d-r sc. Zoran Shapuriq, ministër pa resor në Qeverinë e RMV, i ngarkuar për rregullativën për përmirësimin e klimës investuese për sipërmarrjet vendore, i cili është edhe nënkryetar i Këshillit shkencor – profesional të Kongresit botëror të sipërmarrësve RMV 2019./Telegrafi/