Në sheshin e Drenasit, është zbuluar të martën shtatorja e Ilaz Kodrës, një prej themeluesve të UÇK-së dhe komandant i Brigadës 114.
Në organizmin e presidentit të Kosovës, zbulimi i shtatores u bë me një ceremoni ku morën pjesë përfaqësues të institucioneve qendrore e lokale, ish-luftëtarë të UÇK-së e familjarë të heroit. Aty u tha se vepra dhe sakrifica e Ilaz Kodrës për liri do të kujtohet gjithmonë.
Krenare Kodra, e cila nuk e takoi babain e saj asnjëherë, iu drejtua sot atyre që kishin shkuar pranë shtatores së Ilaz Kodrës për ta nderuar atë.
Ajo tha se gjeneral Kodra u kthye sot, dhe po njoftohet me Kosovën e lirë e të pavarur.
Këtu, tha Krenarja, po njoftohet edhe me të, meqë lufta nuk e la të priste e ta takonte.
“Sot në ketë përvjetor jubilar, në 20 vjetorin e rënies së tij, kam nderin të prezantoj para jush njërin ndër themeluesit e UÇK-së, komandantin e Brigadës 114, gjeneralin Ilaz Kodra, i cili u kthye përsëri, por tani në një formë tjetër. Babai tani u bashkua me Fehmiun e Xhevën e do të vazhdojnë t’u bashkohen edhe shokët e tyre. U kthye në tokën e vet ku fuqishëm do të qëndrojë gjithmonë, u kthye në vendin ku filluan aksionet e para të UÇK-së. Babi tani do të njihet me Kosovën e pasluftës dhe lirinë dhe brezat e rinj. Për herë të parë do të njihet edhe me mua se lufta nuk la të priste të lindja, e do të bashkohet me miqtë e familjarët”, tha ajo.
Zbulimi i shtatores në Drenas u bë nga përfaqësues të institucioneve dhe vajzat e Ilaz Kodrës.
Kryetari i Kuvendit të Kosovës, Kadri Veseli tha se Kosova dhe Drenasi duhet të krenohen me heroin Ilaz Kodra.
E kryetari i Komunës së Drenasit, Ramiz Lladrovci foli për veprën e Ilaz Kodrës dhe brigadën që ai e udhëhiqte.
Ndërsa kryetari i Komunës së Skënderajt, Bekim Jashari tha se Ilaz Kodra ishte mik i ngushtë i komandantit legjendar Adem Jashari edhe në kohët më të vështira.
Komandanti i Ushtrisë Çlirimtare të Kosovës, Ilaz Kodra kishte marrë drejtimi ne brigadës 114, pas rënies së Fehmi Lladrovcit.
Ai ra heroikisht më 30 prill të vitit 1999 në fshatin Vërboc, bashkë me Antigona Fazliun, ku kishte shkuar për t’u ndalë në ndihmë popullatës civile.
Në Drenas të martën u përkujtuan edhe 58 dëshmorë e 257 martirë të rënë nga 20 deri më 30 prill në fshatin Shtuticë dhe Vërboc. /kp/
Lufta Prigozhin - Putin
Më shumëRegjistrimi i diasporës: Çfarë përfiton Kosova?
Ekipet e reja për mbledhjen e mbeturinave, Rama njofton se janë sulmuar fizikisht punëtorët në lagjen Dardania
Meloni reagon ndaj emisionit investigativ të Rai3: Linçoi Ramën se mbrojti Italinë
"Daily Mail" shkruan për kosovarin me nënshtetësi angleze që po mbahet në një burg ferri në Serbi
Kryetari i Istogut deklaron mbi 3 mijë euro kursime në bankë, e bashkëshortja e tij vetëm 30
Italiania e dashuruar me Sarandën: Sa erdha thashë do të jetoj këtu, tani kam biznes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur