Të shtunën dhe të dielën në Pallatin e Rinisë dhe Sportit në Prishtinë, për herë të dytë, u mbajt Kampionati individual për grupmoshën U-21. Morën pjesë rreth 50 pingpongistë dhe pingpongiste më të mira të kësaj grupmoshe. Ditën e parë u zhvilluan garat në grupe, kurse ditën e dytë u zhvilluan garat në çifte për meshkuj dhe për femra, si dhe garat individuale për të dyja konkurrencat.
Te çiftet e femrave pjesëmarrja ishte e pakët në numër, andaj mungoi edhe cilësia përveç finales ku u takuan çifti gjilanas, Alma Mehmeti (KPP Drita)/Bleona Mehmeti (KPP Drita) dhe ai vushtrrias Edona Shabani (KPP Vushtrria)/Rinesa Imeri (KPP Vushtrria).
Gjilanaset me lojë të mirë dhe të sigurtë e fituan finalen me rezultatin 3-0 në sete. Në konkurrencën e meshkujve, si zakonisht u tregua pingpong më cilësor dhe atraktiv.
Si befasi mund të konsiderohet triumfi i dyshes nga Vushtrria Bivolaku/Muli, që shënuan fitore ndaj prishtinasve Luta/Shala që konsideroheshin si favoritë.
Në gjysmëfinalen tjetër, dyshja prizrenase Mahmuti/Karabaxhaku pa vështirësi u plasuan në finale. Prizrenasit, si favoritë absolut pa ndonjë vështirësi e fituan ndeshjen finale dhe u shpallën kampion.
Në ndeshjet individuale në shortin kryesor, te femrat ndeshje të mira zhvilluan tetë lojtaret më të mira. Në gjysmëfinale u renditën Alma Mehmeti, Edona Shabani, Era Janjeva dhe Bleona Mehmeti. Në gjysmëfinalen e parë, në një ndeshje të bukur dhe dramatike sa i përket epilogut fitore ndaj Edona Shabanit, shënoi Alma Mehmeti me rezultatin 4-3 në sete.
Në gjysmëfinalen e dytë, Era Janjeva me lojë të mirë sulmuese arriti ta thyejë mbrojtjen e Bleonës dhe fitoi me rezultatin 4-1.
Ndeshja finale ndërmjet Almës dhe Erës doli të jetë shumë e fortë dhe e tërheqëse. Të dyja lojtaret e morën nga një set, për tu shkëputur pastaj Era duke fituar setin e tretë dhe të katërt dhe këtë epërsi nuk e lëshoi deri në fund duke e fituar setin e pestë dhe krejt takimin me rezultatin 4-1.
Te djemtë pati shumë ndeshje të mira dhe me cilësi e rivalitet të lartë. Deri në gjysmëfinale u renditën katër lojtarët më të mirë Kreshnik Mahmuti, Fatih Karabaxhaku, Yll Dragidella dhe Blendon Luta. Gjysmëfinalja e parë ndërmjet Mahmutit dhe Dragidellës i takoi bindshëm Mahmutit me rezultatin 4-0 në sete. Në gjysmëfinalen e dytë, Fatih Karabaxhaku e arsyetoi epitetin e favoritit dhe fitoi ndaj Blendon Lutës me rezultatin 4-0 në sete.
Finalja ofroi pingpong shumë cilësor dhe tërheqës për të gjithë të pranishmit në sallë. Fillimi i ndeshjes ishte i barabartë, ku të dy lojtarët e fituan nga një set. Setin e tretë e fitoi Kreshniku me 11-8 dhe mori epërsinë të cilën e ruajti deri në fund të ndeshjes duke fituar me rezultatin përfundimtar 4-1 në sete duke e mbrojtur titullin e kampionit nga vitit i kaluar për U-21.
RENDITJA
INDIVIDUALE – FEMRAT
1. Era Janjeva
2. Alma Mehmeti
3. Bleona Mehmeti
3. Edona Shabani
INDIVIDUALE – MESHKUJT
1. Kreshnik Mahmuti
2. Fatih Karabaxhaku
3. Blendon Luta
3. Yll Dragidella
Çiftet Meshkuj
1. Kreshnik Mahmuti (KPP Lidhja e Prizrenit)/Fatih Karabaxhaku (KPP Lidhja e Prizrenit)
2. Aulon Bivolaku (KPP Vushtrria)/Altin Muli (KPP Vushtrria)
3. Blendon Luta (KPP Shkolla)//Jon Shala (KPP Prishtina)
3. Sylejman ÇERKINI (KPP shkolla Ahmet Hoxha)/Dren ÇERKINI (KPP shkolla Ahmet Hoxha)
Çiftet – Femra
1. Alma Mehmeti (KPP Drita)/Bleona Mehmeti (KPP Drita)
2. Edona Shabani (KPP Vushtrria)/Rinesa Imeri (KPP Vushtrria)
3. Jerina Rexhepi (KPP Ahmet Hoxha)/Shega Hashani (KPP Ahmet Hoxha)
Promo
Reklamo këtuLufta Prigozhin - Putin
Më shumëNga Rubrika
Bayer Leverkusen e mbyll në epërsi ndaj Romës pjesën e parë
Real Madridi në fazën finale të rinovimit të stadiumit – skybar është pjesa më luksoze e “Santiago Bernabeut” të ri
Tri refuzimet që mori Bayern Munich – tani trajneri italian kthehet si opsioni i parë
Rreth tetë futbollistë të Liverpoolit do të largohen nga "Anfield Road" në fund të sezonit - në listë edhe emra të rëndësishëm
Erik ten Hag më në fund reagoi pas paraqitjes mahnitëse të Jadon Sancho në Ligën e Kampionëve
"Puzzle" i Decos: Sa ka para, kush mund të largohet dhe kush mund të vijë te Barcelona
Barcelona e hapur për të shitur yllin e madh të ekipit
Van Dijk te Borussia Dortmund? Fabrizio Romano jepet detaje për të ardhmen e holandezit
Ancelotti po mendon vendimin e befasishëm, ta lë në stol ndaj Bayernit njërin nga më meritorët e sukseseve këtë sezon
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit