Heroi i Zelandës së Re, njeriu që ndoqi terroristin – imami i xhamisë thotë se po të mos ishte ai, do të kishte shumë të tjerë të vdekur (Video)

Kur burri i armatosur u drejtua drejt xhamisë, për të vrarë cilindo që gjente përpara, Abdul Azizi nuk u fsheh. Në vend të kësaj, ai mori gjënë e parë që mund të gjente, një makinë kartë krediti dhe vrapoi jashtë duke bërtitur “Eja këtu!”

Aziz, 48 vjeç, është përshëndetur si një hero pasi thuhet se ka parandaluar vdekjen e shumë të tjerëve gjatë namazit të së premtes në xhaminë në Christchurch, Zelandë e Re, pasi duke e ndjekur burrin e armatosur, e frikësoi dhe e detyroi të shkonte me shpejtësi drejt makinës së tij.

Por Aziz, katër djemtë e të cilit dhe dhjetëra të tjerë mbetën në xhami, ndërsa ai u përball me personin e armatosur, tha se ai mendon se kjo është ajo që gjithkush do të kishte bërë, shkruan AP, përcjell Telegrafi.

Lexo po ashtu I rrëmbeu armën terroristit, por nuk diti ta përdorte atë - ndërron jetë burri që u kacafyt me terroristin në Zelandë të Re (Foto)

Ndryshe, burri armatosur vrau 49 persona në vrasjen më masive në historinë moderne të Zelandës së Re.

Terroristi besohet të ketë vrarë 41 vetë në xhaminë Al Noor para se të ngiste rreth 5 kilometra në qytet dhe të sulmonte xhaminë Linwood, ku vrau shtatë persona të tjerë. Një person vdiq më vonë në një spital.

“Supremacisti i bardhë”, Brenton Tarrant, 28 vjeç, është akuzuar për një akuzë vrasjeje dhe një gjykatës tha të shtunën se ishte e arsyeshme të merrnin parasysh më shumë akuza për të cilat ai do të ndiqej.

Lidhur me ngjarjen ka rrëfyer Latef Alabi, imami i xhamisë Linwood, i cili ka thënë se numri i të vdekurve do të ishte shumë më i lartë në xhami nëse Aziz nuk do të bënte një gjë të tillë.

Alabi tha se dëgjoi një zë jashtë xhamisë dhe e mbylli lutjen që po drejtonte.

Lexo po ashtu I doli përpara terroristit për të shpëtuar një tjetër besimtar, plaku është viktima e parë e konfirmuar e masakrës në Zelandë të Re (Foto)

Ai pa një djalë në veshje të zezë të stilit ushtarak dhe një përkrenare që mbante një armë të madhe, dhe supozonte se ishte një oficer policie. Pastaj pa dy trupa dhe dëgjoi të armatosurin duke bërtitur me të shara.

“Kuptova se kjo është diçka tjetër. Ky është një vrasës”, tha ai.

Imami ka bërë thirrje që njerëzit të shtriheshin për tokë. Më pas filluan të shtënat, një dritare u thye dhe një trup ra, dhe njerëzit kishin filluar të kuptonin se ishte diçka e vërtetë e tmerrshme.

“Pastaj erdhi ky vëlla. Ai e ndoqi atë dhe ai arriti ta mbizotërojë, dhe kështu të tjerët shpëtuam”, tha Alabi, duke iu referuar Azizit. “Përndryshe, nëse ai arrinte të hynte përsëri në xhami, atëherë të gjithë ndoshta do të ishim të vdekur”.

Aziz tha ndërsa po vraponte jashtë duke bërtitur, ai shpresonte të ndalte sulmuesin. Ai tha se terroristi u kthye në makinën e tij për të marrë një armë tjetër, dhe Aziz hodhi makinën e kartës së kreditit drejt tij.

Ai tha se mund të dëgjonte dy djemtë e tij, të moshës 11 dhe 5 vjeç, duke i kërkuar atij të kthehej brenda, përcjell Telegrafi.

Burri i armatosur u kthye, duke qëlluar. Aziz tha se vrapoi, duke u endur përmes makinave të parkuara në rrugën me pemë, gjë që e pengonte personin e armatosur të merrte një të shtënë të pastër. Pastaj Aziz zbuloi një armë që terroristi e kishte braktisur dhe e kapi, e vuri në dukje dhe tentoi të qëllonte, por ishte bosh.

Lexo po ashtu Facebook dhe të tjerët po kanë vështirësi për të fshirë pamjet e masakrës në Zelandë të Re – pse po ndodh kjo?

Sipas tij, terroristi u kthye në makinë për herë të dytë, me gjasë për të kapur edhe një armë tjetër.

“Ai futet në veturë. Pastaj unë morra armën dhe e hodha në drejtim të dritares së veturës duke thyer dritaren”, ka thënë ai, duke supozuar se ka qenë pikërisht “shpërthimi” i xhamit të dritares ajo që e ka frikësuar terroristin.

Lexo po ashtu Masakra në Zelandë të Re, autori kishte në plan të vriste Merkel dhe Erdogan – zbulohet çfarë tjetër “në mendje” kishte terroristi

Ai shtoi se njeriu i armatosur e kishte mallkuar atë, duke bërtitur se ai do t’i vriste të gjithë. Por ai u largua dhe Aziz tha se e ndoqi veturën poshtë rrugës, përpara se ajo të bënte një kthesë dhe të largohej.

Fillimisht nga Kabuli, Afganistan, Aziz tha se ai u largua si refugjat kur ai ishte një i ri dhe jetoi për më shumë se 25 vjet në Australi, përpara se të nisej për në Zelandën e Re, pak vite më parë.

Lidhur me këtë Aziz tha se nuk ndjeu frikë kur u përball me personin e armatosur, duke konsideruar se ishte sikur “në autopilot”. Dhe kështu ai beson se Perëndia, se Allahu nuk mendonte se ishte koha e tij për të vdekur. /Telegrafi/