Duke parë se shoku po i lodhej duke shtyrë karrocën për persona me nevoja të veçanta, punoi dy vite për të mbledhur para për karrocën e re elektrike (Video)

Brandon Qualls, nxënës i shkollës së mesme në Arkansas, për një kohë të gjatë kishte përdorur karrocën për personat me nevoja të veçanta, që duhej ta shtynte me dorë.

Brandonit i duhej të zbriste dhe ngjitej me karrocë nëpër korridoret e shkollës dhe t’i ndërrojë klasat, ku nga lodhja e madhe duke e shtyrë karrocën i ka shkaktuar  dhimbje të mëdha në duar, transmeton Telegrafi.

“Ndjeja lodhje të madhe në duar”, ka deklaruar Brandon për Neës9.

Por, miku i tij Tanner vendosi ta gëzojë Brandonin pasi kurseu para për dy vite e gjysmë, me qëllim që t’ia blerë një karrocë të re. Ai punoi me orar të shkurtuar tek një mekanik dhe paratë e fituara i ndante për karrocën elektrike të mikut.

“Më sollën karrocën dhe nga gëzimi nuk mund të ndalesha duke qarë. Nuk besoja se dikush ka mundur të bëjë diçka të tillë për mua. Gjithmonë kam ëndërruar për një karrocë të tillë, dhe tani kjo ëndërr më është realizuar”, ka deklaruar Brandon.

E kur Tannerin e pyetën gazetarët se çfarë e ka inspiruar për të ndërmarrë një veprim të tillë, ai tha: “Ai gjithmonë ka qenë mik i mirë dhe kam dashur të bëjë diçka për të. Brandon ka qenë gjithmonë pranë meje kur kam pasur nevojë”. /Telegrafi/