Së shpejti mund të shohim produkte të promovuara në Google images

Në një blog post të ri, nënkryetari i kompanisë për Menaxhimin e Produktit dhe Shitjeve, Surojit Chatterjee, theksoi synimin e Google për të filluar eksperimentimin me reklama në rezultatet e kërkimit të imazhit.

Ideja themelore këtu është që reklamuesit potencialisht mund të vendosin imazhe të sponsorizuara në rezultatet e Google Images.

Për shembull, nëse kërkoni “zyrë në shtëpi”, do të shihni disa imazhe të sponsorizuara me një etiketë blerjeje që do të identifikohet me gjërat individuale që gjenden në një imazh, së bashku me çmimet e tyre dhe detaje të tjera të rëndësishme.

Është një qasje interesante për reklamat, dhe një mënyrë organike e integrimit të reklamave në kërkimet e imazhit.

Sidoqoftë, funksionaliteti do të punoj vetëm në postimet e sponsorizuara, që do të thotë që nuk do të shohim etiketat e blerjeve në çdo rezultat imazhi. Kompania aktualisht është duke testuar këtë mënyrë të re të shfaqjes së reklamave në mesin e një përqindje të vogël të trafikut të saj dhe në bashkëpunim me vetëm pak shitës të zgjedhur në këtë kohë.

Përveç kësaj, kompania gjithashtu njoftoi se është duke sjellë një tjetër nga përvojat e saj të reklamave, Showcase Shopping Ads, në Google Images. /Telegrafi/