Audi Q4 e-tron me përmasa më të vogla, autonomi më të madhe se modeli aktual (Foto)

Makina elektrike e prezantuar së fundmi, pritet të hyjë në prodhim gjatë vitit që vjen

Kur Audi e lansoi për herë të parë crossoverin e ri tërësisht elektrik, e-tron është ditur se nuk do të jetë i fundit, transmeton Telegrafi.

Tani prodhuesi gjerman, ka vazhduar me një version me përmasa më të vogla, që e prezantoi në Geneva Motor Show.

Ashtu si edhe emri tregon, makina është mes Q3 dhe Q5, ndërsa ka përmasa shumë më të vogla se e-tron që ka ngjashmëri më të madhe me Q7.

Me dy motorë elektrike që së bashku prodhojnë 82 kWh, i japin anatomi më të madhe të lëvizje, prej 50 kilometrash më shumë se e-tron aktual.

Duke bërë që në total, të mund të lëvizë deri në 450 kilometra. Kur të jetë zbrazur bateria, 90 për qind mund t’i mbushet sërish për një orë e gjysmë.

Shpejtësinë nga zero deri në 100 kilometra në orë e zë për 6.5 sekonda, derisa mund të lëvizë me shpejtësi maksimale prej 180 kilometrave në orë.

Raportohet se Q4 e-tron lansohet gjatë vitit që vjen, ndërsa është në mesin e 12 makinave elektrike, që Audi do t’i lansojë para vitit 2025. /Telegrafi/