Karaxhovski: Vaksinoni fëmijët tuaj, mos bëni “gjenocid”

Sipas informacioneve të fundit nga autoritetet shëndetësore, ka pesë raste të reja të pacientëve të infektuar me fruth, me çka numri është rritur në 220 persona që nga shpallja e epidemisë së fruthit, përcjell Telegrafi Maqedoni.

Shtatë raste të reja të fruthit janë regjistruar gjatë ditës së fundit në Klinikën për sëmundjet infektive, tre nga të cilat janë shtruar në spital, thonë nga Ministria e Shëndetësisë.

Mjekët apelojnë se e vetmja mënyrë për të ndaluar përhapjen e fruthit është vaksinimi dhe rekomandon jo vetëm fëmijët, por edhe prindërit të imunizohen.

“Që të ndalohet epidemia, 15 mijë fëmijë të cilët nuk janë të vaksinuar duhet të marrin vaksinat. Ka fëmijë të cilët nuk kanë imunitet, ato do të jenë të parët që do të sëmuren”, thotë Zharko Karaxhovski nga Instituti për Shëndet Publik.

Ai tha se me mos vaksinimin e fëmijëve vihet në rrezik jeta e tyre.

“Me neglizhencën dhe kotësinë tuaj, nga rrjetet botërore ku mund të gjeni çfarëdo të dhëna, ju vendoseni në rrezik që të sëmureni nëse nuk keni imunitet, fëmijët nuk janë fajtor, mos kryeni gjenocid ndaj fëmijëve të tuaj”, tha Karaxhovski./Telegrafi/