Mot i mirë gjatë javës, flet eksperti i meteorologjisë

Eksperti i meteorologjisë dhe profesori universitar, Sylë Tahirsylaj, në një prononcim për Telegrafin ka thënë se në ditët në vazhdim do të kemi mot kryesisht të mirë.

Tahirsylaj bëri të ditur se deri ditën e mërkurës temperaturat minimale do të jenë nga 3 deri 5 gradë Celsius, ndërsa ato maksimalet do të shkojnë nga  9 deri 10 gradë Celsius.

“Vendi ynë do të vazhdojë të jetë nën ndikimin e masave ajrore, ku deri ditën e mërkurë do të kemi këtë gjendje që kishim në ditët më parë. Temperaturat minimale do të jenë 3 deri 5 gradë Celsius, ndërsa maksimalet do të shkojnë 9 deri 10 gradë Celsius”, ka thënë TahirSylaj.

Eksperti i meteorologjisë gjithashtu tregoi se  nga dita e mërkurë do të kemi riga të dobëta shiu.

“…Temperaturat maksimale do të rriten në vazhdimësi deri në fund të javës, ku do të shkojnë deri në plus 10 deri 12 gradë Celsius, ndërsa minimalja do të jetë 0 gradë Celsius deri ditën e martë të javës së ardhshme ku nuk do të ketë reshje atmosferike. Era nga jugu dhe jugperëndimi do të jetë me shpejtësi 1-5 m/s. Prandaj është një mot i mirë dhe i pranueshëm. Në orët e para të ditës në lugina dhe përgjatë rrjedhës të lumenjve do të ketë mjegull e cila do zhduket gjatë ditës”, ka thënë Tahirsylaj. /Telegrafi/