Pezullohet gjyqtari që i kërkoi favor seksual e para gruas që donte kujdestarinë e fëmijës

Këshilli i Lartë Gjyqësor në Shqipëri me unanimitet votash ka pezulluar nga detyra gjyqtarin e Gjykatës së Fierit, Roland Hysi, i cili i ka kërkuar marrëdhënie seksuale dhe para një gruaje të divorcuar për t’i dhënë kujdestarinë e fëmijës.

Gjatë mbledhjes anëtarët e KLG shprehën vendosmërinë për të luftuar pa asnjë kompromis çdo akt apo sjellje që diskrediton rëndë figurën e gjyqtarit.

Ndërkohë 50-vjeçari Hysi dhe psikologja E. Meçani u arrestuan ditën e djeshme dhe të dy akuzohen për veprat penale “Korrupsioni pasiv i gjyqtarëve, prokurorëve dhe funksionarëve të tjerë të organeve të drejtësisë” dhe “Ushtrimi i ndikimit të paligjshëm të personave që ushtrojnë funksione publike”.

Ata u arrestuan pas transmetimit mbrëmjen e së martës të një kamere të fshehtë në një emisionin investigativ, ku gruaja, denoncuese tregoi gjithë kalvarin që i është dashur të përballojë, duke blerë me euro fëmijën e saj.

Gjyqtari i Fierit, R. Hysi i kërkon seks për t’i dhënë kujdestarinë e fëmijës. Po kështu zonja i jep psikologes 500 euro për Hysin, duke i premtuar edhe 500 euro të tjera në mbyllje të gjyqit./tchroland hy