Personazhet në pikturat e Lin Delisë kanë të njëjtin vështrim me artistin. Gra të zhveshura që shohin larg, duar të zgjatura drejt horizontit duke pritur diçka apo portrete që flasin vetëm me një vështrim.
Në historinë e artit, emri i Lin Delisë, me një jetë të trazuar jashtë kufijve të Shqipërisë, përmendet pak. Portreti i tij i plotë, ku dallohet mjegulla e cigares, është i mbushur me misterin e viteve që i kaloi në vetmi. Pa vetmi nuk mund të pikturosh.
Delija në e dinte këtë. Ndaj në ishullin që i krijoi vetes realizoi tablotë më të bukura, që sot janë një testament për artin shqiptar. I lindur në Shkodër më 3 janar 1925, Lin Delija e mori edukimin e parë në shkollën e Fretënve Françeskanë dhe më pas në liceun “Illyricum”, ku spikati pasioni i tij për pikturën. Më pas udhëtoi drejt Herceg Novi dhe në Zagreb, për të studiuar në Akademinë e Arteve të Bukura. Pas hyrjes së sistemit komunist në vend, i ndihmuar nga Ernest Koliqi arratiset drejt Italisë më 1949, me një bursë studimi në Akademinë e Arteve të Bukura në Romë.
Mësuesit e tij ishin Mario Mafai dhe Amerigo Bartoli – prej të cilëve ai mori njohuritë e teknikave bashkëkohore dhe përsosi më tej botëkuptimin e tij artistik duke ndërthurur në mënyrë harmonike modernen me elementin etnik, shqiptar dhe ballkanik. Por, ikja e tij drejt vendit fqinj do të ishte fatale për familjen. Familja e tij internohet në Kuçovë dhe më tej në Turan të Beratit. Në fillim të viteve 1970, Lin Delija themelon Akademinë e Artit “Gjergj Fishta” dhe në vitin 1983 krijon Akademinë e Artit “Carlo Cesi” në vilën Mentuccia në Antrodoko.
Për ata që patën mundësi ta njihnin, ai ishte artisti në gjithë dimensionin e kësaj fjale. Pas një sëmundje të rëndë ai mbylli sytë po në Romë më 9 prill të vitit 1994. Veprat e tij ekspozohen në Pinakotekën e Artit Modern në Vatikan, në Muzeumin e Artit Bashkëkohor në Romë, në Muzeumin “Lin “elija» në Antrodoko, në Muzeumin Qytetës të Osimos, në Qendrën e Studimeve të Artit Modern në Brescia, në Galerinë e Artit Modern në Palermo, në Muzeumin e Shën Anës në Kuebek të Kanadasë, në Universitetin e Erlangenit në Gjermani, në Nju Jork etj.
Në qytetin e Osimos ekziston një muze i kushtuar mjeshtrit Delija, ndërsa miqtë e tij të vjetër të Antrodokos i kanë ngritur një muzeu në vitin 2002 në qytetin ku jetoi. Në pikturat e tij shihet kërkimi i tij drejt botës njerëzore, për të kuptuar thelbin e ekzistencës.
Për shumë kritikë, Lin Delija është artisti i zemrës, pasi veprat e tij përshkojnë qenien tënde vetëm me një vështrim. /Shqip/
Lufta Prigozhin - Putin
Më shumëFadil Hoxha e Veli Deva, Enver Hoxhës më 1968: Kujdes me Titon, se po na e vështirësoni punën në Kosovë
Fjalë të urta orientale: Mjeshtri i paaftë zihet me veglat e tij
Kujtime egotiste
Paraqitja e tmerrshme e Mbretëreshës së ndjerë flet për fundin e epokës së statujave
ANNABEL LI
Mbi macet dhe vajzat ...
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur