Prezantohen rezultatet e sondazhit Made in Kosova nga Pyper në Konventën e Prodhuesve të Kosovës – rritje e besimit në prodhime vendore!

Është mbyllur si një sukses i jashtëzakonshëm Konventa e parë e Prodhuesve të Kosovës e organizuar nga Klubi i Prodhuesve të Kosovës.

Nga 29 Nëntori u mbajt për herë të parë Konventa e Prodhuesve të Kosovës në Emerald hotel, ku 300 prodhues diskutuan mbi fuqizimin e prodhimeve vendore, thellimit sa më të madh të bashkëpunimit dhe krijimit të partneriteteve të rëndësishme.

Në ditën përmbyllëse të konventës u prezantua platforma “Made in Kosova”, që do të jetë platforma më e kompletuar me informata të rëndësishme për prodhuesit vendorë, që do të ndikojë në forcimin e bashkëpunimit mes prodhuesve vendorë dhe fuqizimit të tyre.

Ajo që u quajt “qershia mbi tortë” ishte Pyper, platforma më e avancuar teknologjike për grumbullimin e të dhënave, që me anë të aplikacionit realizoi sondazhin Made in Kosova.

Gjithsejt 1050 respondentë ishin pjesë e sondazhit, të cilët u përgjigjën në 32 pyetje që shfaqën preferencat e tyre dhe mendimin për prodhimet vendore, Made in Kosova.

Lexo po ashtu Rritet shitja e produkteve vendore, pas taksës ndaj Serbisë

Në cilësinë e drejtorit të Pyper, Vigan Ramadani prezantoi rezultatet, të cilat nxorrën në pah një rritje të besimit për prodhimet vendore.

Kështu, krahasuar me vitin e kaluar, besimi është rritur dukshëm në prodhimet Made in Kosova sipas 68.54% të pjesëmarrësve në sondazh.

Plot 80.38 % e atyre që janë përgjigjur e kanë konsideruar të rëndësishme prejardhjen e produkteve, çka tregon në rritjen e vëmendjes për origjinën e produkteve, e kjo është reflektuar me 63.19% të respondentëve që kanë theksuar qartë se ata u besojnë më shumë prodhimeve vendore.

Një progres në krahasim me vitin e kaluar sipas Pyper është edhe rritja e konsumit familjar të produkteve Made in Kosova, ku 44.14 për qind janë përgjigjur se është rritur dukshëm këtë vit.

Se është rritur vetëdija për prodhimet Made in Kosova, e tregon fakti se 88.56% të respondentëve do të zgjedhnin produktet Made in Kosova nëse do të ishte cilësia dhe çmimi i njëjtë në raport me prodhimet e importuara.

Ndërsa, rreth 85% të respondentëve u shprehën se rritja e cilësisë është një faktor kyç për prodhuesit vendor për të konsumuar më shumë prodhimet vendore.

Me këtë prezantim të rezultateve nga Pyper edhe u mbyll Konventa e parë e Prodhuesve të Kosovës, me përkushtimin e fuqishëm të Klubit të Prodhuesve të Kosovës për ta bërë konventën e dytë edhe më masive duke ndikuar në fuqizimin e prodhimeve Made in Kosova.

E për këtë edicion, që është edhe Konventa e parë e Prodhuesve të Kosovës, ndikimi në rritjen e besimit dhe konsumimit të prodhimeve Made in Kosova është i pakontestueshëm, gjë qe e bën këtë organizim nga Klubi i Prodhuesve të Kosovës një sukses të jashtëzakonshëm.

Rezultatet e plota nga sondazhi i Pyper janë të qasshme nga kjo kompani për prodhuesit vendorë, ndërkaq për të marrë pjesë në sondazhe të reja ku mund të fitoni “rollerë” për t’i konvertuar në mbushje telefonike shkarkoni aplikacionin Pyper.

/Telegrafi/

Shkarkoni aplikacionin Pyper – iOS. 

Shkarkoni aplikacionin Pyper – Android.